2 Sunda Hamuleinid’a 28:25 - Bible azumeina

²⁵ Mi tin yima ndingâ kur azì ma nglo ma Juda ma lara ge pet á ngal dubang ma his djivid’ina malo ma dingâ. Ni hina ba, mi zal ki hur Ma didina Alona habuyom ngolona.

2 Sunda Hamuleinid’a 28:25 Referans Kwoze

2 Sunda Hamuleinid’a 28:3

Mi ngal dubang ma his djivid’ina kur hor ra Hinom-mba, mi ngal groma kakud’a d’igi he d’a hawa d’a ngala na. Ni sun nda ndjendjed’a handjaf suma Ma didina mi digizi woi adjeu avok Israel-lîna a lata.

2 Sunda Hamuleinid’a 28:4

Mi hahle suma ngat buzuna ki dubang ma his djivid’a yam yima ndingâ, yam ahuniyôna, ad’u agu ma lara ma angusâ mi.

2 Sunda Hamuleinid’a 28:24

Ahas mi tok ahle suma kur gong nga kud’ora hAlonid’ina, mi b’lagazi woi kakazeî, mi duk vun gonga hi Ma didinid’a akulo, mi min yima ngal ahle suma ngat buzuna woi kur yima Jerusalem teteng.

2 Sunda Hamuleinid’a 28:26

Sunda hi Ahas sa ara ki sun nda mi lata pet, d’a avoka ki d’a dananda, a b’irit nga kä kur Mbaktumba hamulei suma Juda-na kamulei suma Israel-lîd’a.

2 Amuleina 22:17

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

Isai 14:28

Wana ni zla d’a a dat kur biza d’a amulâ Ahas mi mit kuad’a:

Jeremi 11:13

Kayam agi nga kalona ngad’a yam azì ma nglo ma Juda-na gagang, agi tinigi yima ngal dubang ma his djivid’a ma zulona teteng ir palum mba Jerusalem-mba á ngalagi dubang ma his djivid’ina mi Bäl.

Jeremi 11:17

Ni Ma didin ma ad’engêm kal pet ma pagina ba, nga mi yi ndaka kagi kayam tcho d’a agi Israel-lâ ki suma Juda-na a lagizid’a. Mi dala: A he dubang ma his djivid’ina mi Bäl á zalan hurunu.

Ezekiyel 16:24

Ndak min azì ma gaulangâ, ndak min yima ndingâ ata yina pet.