2 Sunda Hamuleinid’a 28:23 - Bible azumeina

²³ Mi hahle suma ngat buzuna malona hi suma Damas ma nga mi durum ayînina, mi dala: Nalona hamulei suma Siri-na ba, nga mi ndjunuziya, an i ni hum he d’a hawad’a ngat buzuna, kayam mi ndjununu. Hina wani, mi mba ki b’laka kam ki Israel-lâ pet mi.

2 Sunda Hamuleinid’a 28:23 Referans Kwoze

2 Sunda Hamuleinid’a 25:14

Kid’a Amasiya mi kuzï yam suma Edom-ma kusa, kur hulong mamba mi hleï alona hi suma Edom-ma, mi mba mi mbud’um alo mama, mi grif kä avoromu, mi ngalam dubang ma his djivid’ina mi.

Habakuk 1:11

Ad’engêzi nga d’i i avogovogo, nga d’i kal d’igi simetna na; ad’engêzi nalo mazina.

Wana ni mbaktumba hi Oze-d’a 13:9

Agi Israel-lâ, agi b’lagagi woi ni kayamba agi kagagi djangûna ki an ma ni ndjunuginid’a.

Jeremi 10:5

Alo ma hina na mi ni d’igi agu ma sana mi pum aduk asinena á dik aluweinina na, nga mi de zla d’uo mi. Sana mi hlumî hle, kayam nga mi tit kayam tam mbi. Ar agi lagizi mandaram mbi, kayam mi we nga á le vama tcho mi sa d’uo mi na, mi ndak á le vama djivi mi sa d’uo mi.

Isai 1:28

Wani mba mi b’lak suma tchila yam gata ki suma le tchod’a woi abo tazi tu, suma a aram mbeina a mba ba woi mi.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Jeremi 2:25

Agi gologi tagi djivi á tid’igi asegi hawad’a, ar delegi ti so kazas suo mi! Wani agi nga dagi ala: Ndata ni zla d’a hawa yaka! Ami minimi nalo ma dingâ, ami i zlabami ni ki sed’emu.

Wana ni mbaktumba hi Oze-d’a 2:7

kayam asuzi natcha d’a gaulangâ, ta vud’uzid’a ti le nahle suma zulona. Nga d’i dala: An ringî bugol buniyôn suma a nga han te mana ki mbiyo manina, ni suma a nga han tumus tumiyô mana ki baru man nda luluîd’a ki mbul mana ki süm guguzlu mandina mi.