2 Sunda Hamuleinid’a 28:20 - Bible azumeina

²⁰ Tiglat-Pilneser amul ma Asiri-na, mi mba nga á ndjunum mbi, wani mi mba ná lum ndaka.

2 Sunda Hamuleinid’a 28:20 Referans Kwoze

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

Isai 30:16

Agi nga dagi ala: Hawa yak! Ami mba djangâmi kakulumeina! Gagazi, agi mba djangâgi kakulumeina, wani ná ringâ! Agi nga dagi ala: Akulumei mamina a djang heî, wani suma a mba digigina, akulumei mazina a mba djang kal tua d’ei!

1 Sunda Hamuleinid’a 5:26

Alona hi Israel-lîna mi zut amulei suma Asiri-na, Pul ki Tiglat-Pileser, a yo suma hi Ruben-na, suma hi Gad-na kabo andjafâ hi Manase-na hurumba, a izi Hala, Habor, Hara kavun alum ma Gozan-na, a ar sä kaka kua gak ini.

Wana ni mbaktumba hi Oze-d’a 5:13

Suma Efraim-ma a we tugud’ei mazid’a, suma Juda-na a we mbil mazina. Suma Efraim-ma a ge sunda ata amul ma ngol ma Asiri-na. Wani amul máma mi nga kad’enga á sud’uzi d’oze a hazi kumana yam mbil mazina d’uo mi.

Jeremi 2:37

Agi mba buzugugï sä kua yagi tchoka kä, kayam an Ma didina nga ni noî suma agi tinigi hurugi kazina woyo, agi mba fagi djivid’a atazi d’uo mi.

Isai 30:3

Ngei d’a agi ngeyegi tagi ata Faron-nda mba d’i mbut ni vama zulona kagiya. Kak ka agi kagagi ad’u anguzu Ezipte-d’a, agi mba mangâgi woyo.

Isai 7:20

Kur bur máma Ma didina mba mi ndeï ki velâ sä abo alum ma Efrat-na woi hî. Ni ngad’a yam amul ma Asiri-na. Mam mba mi welegi yagi woyo, mba mi welegi tumus sa atagid’a ki d’a dudumagid’a woi pet mi.

2 Amuleina 17:5

Bugola, Salmanasar mi tchol durâ kandaga d’a Israel-la pet, gak mi mba Samari. Azigar mama a nguyut kä gak bizad’a hindi.

1 Sunda Hamuleinid’a 5:6

Bäl mi vut Bera. Bera ni ma Tiglat-Pileser amul ma Asiri-na mi vum magombina, kayam mam mi ma avok suma hi Ruben-nina.

2 Sunda Hamuleinid’a 30:6

Suma a tchuguzi sundina a i ki mbaktum mba amulâ mi b’irit ki mam suma sundid’a kur azì ma Jerusalem-ma kazì ma Juda-na pet. Yam vun ma hed’a hamulîna, a de mi suma ala: Agi Israel suma sud’ugi woi avun ayîna abo amulei suma Asiri-nina, agi hulongôgï gen Ma didina Alona hi Abraham-ma, Alona hi Isa’â, Alona hi Israel-lîna.

Isai 7:17

Ma didina mba mi mba ki ndaka kang ang ki sum mangâ kandjaf habung ngolona. Tinï ad’ud’a kur bur ma suma Efraim-ma a wal lei ki suma Juda-na dei gak ini, ndak ka hina d’a ti le nga yat tu d’i. Zla ndata ni ngad’a yam mbad’a hamul ma Asiri-nid’a.

Jeremi 2:36

Ni kayam me ba, agi mbud’ugi djib’er magid’a atogo hina zak á mbud’ugi lovot magid’a ge? Zulona mba mi vagï avo Ezipte, d’igi mi vagï avo Asiri na mi.

Ezekiyel 16:28

Ndak le gaulangâ ki suma Asiri-na, kayam d’od’ok maka dap nga d’i, ndak le gaulangâ ki sed’ezi hina pet pî, ndagak nga d’uo tua.