2 Sunda Hamuleinid’a 26:21 - Bible azumeina

²¹ Amulâ Oziyas mi arî sama libina gak mat mama. Kayam ndata, a walam mbei kaka kur azì ma dingâ woi vam bei mi fe lovota á hulong kur gong nga kud’ora hi Ma didinid’a ba. Goroma Jotam mi kak kur azì ma amula, nga mi te yam suma kur ambasina.

2 Sunda Hamuleinid’a 26:21 Referans Kwoze

Sunda hi suma hi Levi-nid’a 13:46

Kid’a tugud’ei libina nga atam tatâ tua d’a, mba mi ka’î ndjendjed’a, kayam mam mi sama ndjendjed’a. Mba mi ka’î vam tu. Zlub’u mamba a mba vat sä ni woi bugol kangâ.

2 Amuleina 7:3

Wani suma libina fid’i a nga kaka woi abu bugol azina go ki vun agrek ma ngolâ. A de tazi ala: Ni kayam me ba, ei kagei ka hî á djubi mad’ei ge?

Ndumba 12:15

A wal Miriyam mbei ki kangâ gak burâ kid’iziya. Ablaud’a hi Israel-lîd’a ti i d’uo gak Miriyam ti hulong kur kangâ.

Sunda hi suma hi Levi-nid’a 14:8

Sama mbut tam yed’et máma, mi mbus baru mama woyo, mi wel tumuzum mbei pet, mi mbus tam aduk mbina; mba mi mbut yed’et. Bugola, mi ndak á kal kur kangâ, wani mba mi bur kur zlub’u mamba d’uo gak burâ kid’iziya.

2 Sunda Hamuleinid’a 26:20

Ma ngol ma ngat buzuna Azariya zlapa ki suma ngat buzu suma dingâ pet, a mbut irazi a golomu, a we libina mi buzuk kei avoromu. Azi zud’um mbei abu atogo zak; mam tamba pî, mi b’at tam á nde woi abua, kayam Ma didina mi tumumu.

Ndumba 5:4

Israel-lâ a le hina mi, a digizi woi kur kangâ d’igi Ma didina mi he vuna mi Moise na mi.

2 Sunda Hamuleinid’a 27:1

Kid’a Jotam mi kak amulid’a, bizamî dok mbà yam mbà. Mi tamula avo Jerusalem bizad’a dogo yam karagaya. Asum a yat ala Jerusa ni Sadok goromba.