2 Sunda Hamuleinid’a 25:8 - Bible azumeina

⁸ Le ang i wa ki sed’eziya, le ang mba tchol ad’enga kur ayî ma durâ pî, Alona mba mi kang aseng azlard’eîd’a avok mang suma djangûna, kayam Alona mi nga kad’enga á ndjun sana, mi nga kad’enga á kam asem azlard’eîd’a mi.

2 Sunda Hamuleinid’a 25:8 Referans Kwoze

2 Sunda Hamuleinid’a 14:11

Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ.

2 Sunda Hamuleinid’a 20:6

Mi dala: Ma didina Alona habuyomi ngolona, ni ang ba, nAlo ma sä kur akulod’ina, ni ang ba, te yam leud’a handjaf sumid’a pet tuo zu? Ni ang ba, nga kad’enga ki sib’ika d’uo zu? Sama ndak á tchol avorong á durungâ nga d’i!

Filip-ma 4:19

Wani Alo mana mba mi hagi ahle mam suma ndjondjoî suma kal teglesâ yam kid’ak magi d’a yam Jesus Christ-sa.

Wana ni mbaktumba hi Aze-d’a 2:8

Bege d’a hapa ni manda, lora ni manda mi.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Zla d’a d’ogolâ 10:22

B’e vuna hi Ma didinina nga mi mbut sana ma ndjondjoîna, wani nga mi hum hur ma wura kam kua hina nde d’i.

Sawal la giled’a 62:11

Agi tinigi hurugi yam ahle suma a b’ad’azi kad’engina d’i, agi tinigi hurugi yam ahle suma hurumba d’uo mi. Le ahle magina a zul heî pî, agi tinigi hurugi kazi d’i.

Sawal la giled’a 33:16

B’rang nga ngola hamulîd’a ti ndak á sud’um mbi; ad’enga hi grangîd’a ti ndak á sud’um mbuo mi.

Sawal la giled’a 33:10

Ma didina nga mi b’lak zla d’a andjaf suma a minita woyo, nga mi b’lak vama suma a ngam kuruzi á led’ina woi mi.

Sawal la giled’a 24:1

Ni sawal la David mi hlata. Andagad’a kahle suma kurutna ni hi Ma didinina, duniyad’a ki suma a nga kaka kurutna pet mi.

Sawal la giled’a 20:7

Ki tchetchemba, an we Ma didina nga mi sut ma mam manam tinim amulina, nga mi humumï kur gong mam mba sä akulod’a, nga mi ndjunum kabom ma ndjuf ma sib’ika mi.

Wana ni mbaktumba hi Job-pa 9:13

Alona nga mi ve vun ayî mama kä d’i; suma yam mba ad’engina a nga hulong yazi kä avorom mi.

Wana ni mbaktumba hi Job-pa 5:18

Alona ni ma le sana ndaka, mi hulong mi sud’uma; ni ma ka sana mbilâ, mi hulong tchilim abom melâ mi.

2 Sunda Hamuleinid’a 18:14

Ata yima mi mba gen amulîna, amulâ Ahap mi djobom ala: Mise, djivid’a ami imi dur ayîna á hlazì ma Ramot ma Galät-na d’oze an i d’uo zu? Mise mi hulong dum ala: Agi igiya! Agi mba kuzugiya, Ma didina mba mi hagizi abogiya! Agi mba kuzugi kamu!

2 Sunda Hamuleinid’a 1:12

ned’a ki wad’ud’a, an nga ni hangziya, an mba ni mbud’ung sama ndjondjoîna, sama fed’a, sama suma a suburuma mi. Sama tamula avorongâ d’oze sama mba mi tamula blogong ma kalangâ nga d’i.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.

Suma ka sariyad’a 7:7

Ma didina mi de mi Zedeyon ala: Nata suma kikis hindi suma a zlak mbinina ba, an mba ni sud’ugi kiya, an mba ni hang suma Madiyan-na abong mi. Ar suma pet wana nge nge pî, mi i avo hatamu.

Gat ta a hat á mbàd’id’a 8:18

Agi djib’eregi yam Ma didina Alo magina. Ni mam ba mba mi hagi ad’enga á fahle suma ndjondjoî ndazina á ndak vun ahle ndazina d’igi mam lazi ini na yam vun ma djin ma mam djinim kabuyogi ngolona.

Matiye 26:45

Mi hulong mi mba gen mam suma hata, mi dazi ala: Ki tchetchemba, agi nga burugi sena, agi tugugi tagi tua! Gola! Yina mba wa, a nga han an Gor Sana abo suma tchona.

2 Sunda Hamuleinid’a 26:7

Alona mi ndjunum mi dur ayîna ki suma Filistê-na ki suma Arap suma a nga kaka Gur-Bäl-lâ ki suma Mawon-na mi.

Sawal la giled’a 89:43

Ang he mam suma djangûna ad’enga, ang ar mam suma djangûna pet a le furîd’a mi.