Biblia Todo Logo
Bib sou entènèt

- Piblisite -




2 Sunda Hamuleinid’a 25:23 - Bible azumeina

23 Jowas amul ma Israel-lâ mi ve Amasiya amul ma Juda ma Jowas gorom ma Ahaziya gorom ngolonina avo Bet-Semes, mi i ki sed’em Jerusalem, mi to abo gulumun ma Jerusalem-ma kä woi ndak go ki metred’a kikis mbà go, tinï ad’ud’a avun agre’â hi suma Efraim-ma dei gak mba avun agrek ma gulumuna mi kong kuana.

Gade chapit la Kopi




2 Sunda Hamuleinid’a 25:23
18 Referans Kwoze  

Ata yi máma suma a buzuk a i á ka abo aguna. Nge nge pî mi ve zlub’ud’a akulo yam dudur mamba avo hur aziyamu, avun gong nga kud’ora hAlonid’a, avun agrek ma i ki yima mbinina, avun agre’â hi Efraim-ma mi.


A i durâ ata suma Juda-na, a kal kur leu mazid’a, a hurum ahle suma kur gong nga amulina pet, a yo Joram groma kamiyôma pet; gorom ma arâ ni ma gorâ Ahaziya tu go.


Ma didina mi de kua ala: Gola! Burâ nga mi mba. Kur bur máma a mba hulong min azì ma ngolâ akulo yam an Ma didina. Mba tinï ad’ud’a ata gong nga fiyak ka akulod’a hi Hananel-la yam gulumun ma ngui azì ma ngolîna dei gak mba ata vun agrek ma gulumuna mi kong kuana.


Bugola, ami mbamiza avun agre’â hi Efraim-ma, yam vun agrek ma adjeuna, yam vun agrek ma kulufâ, ata yima gong nga ndjola hi Hananel-la ki d’a hi Meya-d’ina gak mbamiza avun agre’â haho’îna, ami tcholomi avun agre’â hi azigar suma a ngom azina hamulîna.


Oziyas mi min gong nga fiyak ka ndjola avo Jerusalem avun agrek ma gulumuna mi kong kuana, avun agrek ma kä kur horina, yam yima gulumuna mi kong kuana, mi minit ad’enga ngungu.


Suma Jerusalem-ma a tin Ahaziya Joram gorom ma gorâ amula balum abumu, kayam ades azigar suma Arap-ma a mbeï kur kangâ, a tchi grom suma nglona woi pet. Ni hina ba, Ahaziya Joram goroma mi kak amula yam suma Juda-na.


Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.


Yam mba ad’eng magid’a ti vid’igi wa woyo. Agi suma nga kak aduk ahuniyôna ata yima sana ndak á lagi va kua d’uo na, agi nga dagi ala: Ni nge ba, mba mi digimi woi kua ge?


Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.


Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.


Yam mba ad’enga ti mba navok b’laka, subur tad’a ti mba navok puka mi.


Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.


Nebukanezar amul ma Babilon-na mi mba dur ayîna atamu, mi djinim ki kindjing ma kawei ma hleuna, mi i ki sed’em Babilon.


Ata yi máma Ma didina mi mba ki azigar suma nglo suma hamul ma Asiri-na atam á durâ. A vumu, a tchom atchinam ki kawei ma vunam gundina, a djinim ki kindjing ma hleuna, a mbam avo Babilon.


Mi hulong avo Jisreyel á tchil mbilim ma suma Siri-na a gumzi avo Rama ata yima dur ayîna ki Hazayel amul ma Siri-nina. Ata yi máma Azariya, nala, Ahaziya Joram goroma amul ma Juda-na, mi i á d’u Joram Ahap goroma avo Jisreyel, kayam mam nga tugud’eid’a ngola heî.


Jowas amul ma Israel-lâ mi ve Amasiya amul ma Juda ma Jowas gorom ma Ahaziya gorom ngolonina avo Bet-Semes. Bugola, mi i Jerusalem, mi to abo gulumun ma Jerusalem-ma kä woi ndak metred’a kikis mbà, tinï ad’ud’a avun agre’â hi suma Efraim-mina dei gak mba avun agrek ma gulumuna mi kong kuana.


Azigar suma Israel-lâ a kus yam suma Juda-na; a wet ringâ, nge nge pî mi i avo hatamu.


Ezekiyas mi ve tam ad’enga, mi min gulumuna iram mba b’lak keid’a akulo, mi min gong nga fiyak ka ndjola akulo, mi min gulumun ma ad’eng ma dingâ woi abua, mi hulong mi min Milo d’a kur Azì ma ngolâ hi David-nid’a ad’enga ngungu, mi zle ahle suma dur ayîna ablaud’a ki mboriyona mi.


Swiv nou:

Piblisite


Piblisite