2 Sunda Hamuleinid’a 25:2 - Bible azumeina

² Mi le sun nda djivid’a avok Ma didina, wani nga ni ki hur ma tuna d’i.

2 Sunda Hamuleinid’a 25:2 Referans Kwoze

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

2 Sunda Hamuleinid’a 25:14

Kid’a Amasiya mi kuzï yam suma Edom-ma kusa, kur hulong mamba mi hleï alona hi suma Edom-ma, mi mba mi mbud’um alo mama, mi grif kä avoromu, mi ngalam dubang ma his djivid’ina mi.

Sunda hi suma a sunuzinid’a 8:21

Ang nga ki b’rau d’oze va kur zla ndata d’i, kayam hurung nga d’ingêr avok Alona d’i.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

2 Sunda Hamuleinid’a 24:2

Kid’a ma ngat buzuna Jehojada mi nga ki iram tua d’a, Jowas mi le sun nda d’ingêra avok Ma didina.

Jacques 1:8

kayam mam mi sama hurum mbàmbàna, ni sama djib’er mamba afefetna mi.

2 Sunda Hamuleinid’a 26:4

Oziyas mi le sun nda d’ingêra avok Ma didina pet d’igi abum Amasiya na.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.

Wana ni mbaktumba hi Oze-d’a 10:2

Azi mbut suma hur ma mbàmbàna, a mba zi tcho mazid’a kaziya. Ma didina mba mi b’lagazi yi mazi ma ngal ahle suma ngat buzu ma tetengâ kä woyo, mba mi b’lagazi ahle mazi suma azi tinizi á ge humbina woi mi.

Sawal la giled’a 78:37

Huruzi nga ade’esa ki sed’em mbuo, a nga d’engzeng yam vun mam ma djinda d’uo mi.

2 Amuleina 14:4

Hina pî mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i.

2 Sunda Hamuleinid’a 25:3

Kid’a leu mamba ad’ut b’al kä ngingi d’a, mi tchi azungeî mam suma a tchi abum amulîna woyo.