2 Sunda Hamuleinid’a 25:19 - Bible azumeina

¹⁹ Jowas mi dum kua ala: Ang djib’er kurung ala ang kus yam suma Edom-ma da’! Ni kayam ndata ba, ang nga hle yang akulo, ang nga subur ki tang wana. Ar ang kak avo hatangû! Ni kayam me ba, ang nga hal ayîna á mba ki ndaka kang á tchang zlapa ki suma Juda-na ge?

2 Sunda Hamuleinid’a 25:19 Referans Kwoze

2 Sunda Hamuleinid’a 26:16

Wani ata yima ad’um b’al kä ad’enga ngingi na, mi nde hle yam akulo, gak ti im kur bad’a. Mi le tchod’a avok Ma didina Alo mama, kayam mi kal kur gong nga kud’ora hi Ma didinid’a á ngal dubang ma his djivid’ina yam yima ngal dubang ma his djivid’ina.

2 Sunda Hamuleinid’a 32:25

Wani Ezekiyas mi hulong nga djivid’a yam djivi d’a Alona mi lumzid’a d’i, wani mi hle yam akulo. Kayam ndata, Ma didina hurum zal kam ki suma Juda-na ki suma Jerusalem-ma mi.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Korente-na 1:29

Kayam ndata, sa tu pî mi ndak á subur tam avok Alona d’i.

Wana ni Zla d’a Djivi d’a Luc mi b’irita 14:31

D’oze amul ma lara ba, le mi i á dur ayîna kamul ma dingâ bei mi kak kä mi djib’er avok á we tala na ni mam ma nga ki mam suma dudubud’a dogona, mi ndak á i dur ayîna ki sama mi nga ki suma dudubud’a dok mbàna zi ge?

Habakuk 2:4

Zla d’a a b’irita ba wana: Sama subur tama mba mi kak karid’a tatâ d’i, wani sama d’ingêrâ mba mi kak karid’a, kayam mi he gagazid’a mAlona.

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Zla d’a d’ogolâ 28:25

Sama gol tam ala mam mi va na, nga mi djiu huneîd’a akulo, wani sama mi tin hurum yam Ma didinina mba mi kak kur duzîd’a.

Zla d’a d’ogolâ 26:17

Sama mi hak tam aduk huneî d’a ndolom nga d’uo d’a, mi ni d’igi sama mi vädina ki humama na.

Zla d’a d’ogolâ 20:3

Sama mi wal tam mbei ki huneîd’ina, suma a mba hum ngola. Wani sama lili ma lara ge pî, mi tcholot nakulo.

Zla d’a d’ogolâ 18:6

Zla d’a avun sama lilid’id’a ti tcholî ki yalâ, zla d’a ndavunamba ti mba ni ki tod’a.

Zla d’a d’ogolâ 16:18

Yam mba ad’enga ti mba navok b’laka, subur tad’a ti mba navok puka mi.

Zla d’a d’ogolâ 13:10

Sama yam mba ad’enga mi tchu’î huneîd’a aduk suma, wani ned’a a fat nata suma a hum d’al ma ded’ina.

2 Sunda Hamuleinid’a 35:21

Wani Neko mi ge sunda atam mi dum ala: Ang amul ma Juda-na, vama ndolong ki an ni me ge? An mba á dur ayîna ini nata ang ngi, wani nata suma ding suma a kak djangûna ki sed’ena. Alona mi dan ala an b’at tan atogo. Ar ang d’el Alo ma nga ki sed’ena tala mi tchang ngei d’uo d’a!

Gat ta a hat á mbàd’id’a 8:14

agi gologi tagi djiviya, ar agi maragi yam Ma didina Alo magi ma buzugugï woi kur ambas sa Ezipte-d’a kur yima a lagi magomba kuana d’i.

2 Sunda Hamuleinid’a 25:20

Wani Amasiya mi hum nga zla ndata d’i, kayam ahle ndazina a tcholï nata Alona kayam mi hum mbei abo mam suma djangûna, kayam mam hal alona hi suma Edom-ma.

Daniel 11:12

Amul ma abo ma sutna mba mi hle yam akulo ngola yam kus ndata. Azigar suma ablau suma dudubu ndazina mam mba mi tchaziya. Hina pet pî, mam tam mba mi kus ayîna d’i.