2 Sunda Hamuleinid’a 25:15 - Bible azumeina

¹⁵ Ata yi máma Ma didina hurum zal ngola yam Amasiya, mi sunï ma djogom vunama atamu, mi dum ala: Ni kayam me ba, ang hal alona hi suma dingâ ma ndak á prut sum mama woi abong nguo na ge?

2 Sunda Hamuleinid’a 25:15 Referans Kwoze

Sawal la giled’a 96:5

Alona handjaf suma petna ni va d’i, wani Ma didina ni ma lakulod’ina.

1 Korente-na 10:20

Nga na d’i! Wani vama andjaf suma dingâ a nga ngad’am mi muzuk ma teteng ma tcho ma fileinina, nga ni mAlona d’i. Wani an min ala agi lagi darigïd’a ki muzuk ma teteng ma tcho ma fileina d’i.

1 Korente-na 8:4

Hina, yam ted’a hahle suma a ngad’azi buzuna mi fileinina, ei wei ala: Fileina ni vama gagazi kur duniyad’a ka hî d’i, wani Alona ni tu go.

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Jeremi 2:5

Ma didina mi dala: Abuyogi ngolo a fe ni tcho me atan ba, a wal lei dei ki sed’en á zlap tazi kahle suma hawa ya’â, á mbut tazi vama hawa ya’â mi ge?

2 Sunda Hamuleinid’a 25:7

Wani sana hAlonina mi mba gen Amasiya, mi dum ala: Amulâ, ar azigar suma Israel-lâ a i ki sed’eng ngi, kayam Ma didina mi nga ki Israel-lâ d’i. Mi nga kandjafâ hi Efraim máma pet tuo mi.

2 Sunda Hamuleinid’a 24:20

Ata yi máma Muzu’â hAlonina mi mba yam Zakari ma ngat buzuna Jehojada goroma, mi tchol akulo avok suma, mi dazi ala: Alona mi dala: Ni kayam me ba, agi tchilagi yam vun ma hed’a hi an Ma didinina ge? Agi mba fagi djivid’a d’i. Kayam agi noyôn an Ma didina woyo, an mba ni noyôgi woi mi!

2 Sunda Hamuleinid’a 20:37

Ata yi máma Eliyezer Dodava ma Maresa-na goroma, mi djok vuna mi Josafat, mi dum ala: Ni kayamba ang zlap ki Ahaziya-d’a ba, Ma didina mba mi b’lagang sun manga woyo. Batod’a mba d’i kus seyo, ti ndak nga á i Tarsis si.

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

Suma ka sariyad’a 2:2

Wani an hagi vuna ala: Ar agi djinigi vunagi ki suma kur ambas sa wandina d’i, agi pleyêgi yi mazi ma teteng ma ngal ahle suma ngat buzuna woyo. Wani agi humun nga vunan ndi. Ni kayam me ba, agi lagi hina ge?

2 Sunda Hamuleinid’a 25:16

Kid’a mi nga mi de zlad’a tua d’a, Amasiya mi djobom ala: Na ni ni ami ba, tining á de d’alâ mi an amulâ zu? Ang ba vunangû! Ni kayam me ba, ang min ala a tong nge? Ma djok vun Alona mi ba vunamu. Bugol mi dum kua ala: An wala Alona mi nga hurum á tchang ngei kayamba ang le hina d’a. Ni kayam ndata ba, ang nga hum d’al ma an nga ni dangzina d’uo wana!

2 Sunda Hamuleinid’a 28:9

Ma djok vuna hi Ma didinina mi nga avo Samari, a yum ala Odet. Mi nde mi d’ugol azigar suma a nga mbei avo Samari-na, mi dazi ala: Gola! Ma didina Alona habuyogi ngolona, hurum zal yam suma Juda-na, mi hagizi abogiya, wani agi tchagizi ki hur ma zala gak mi i akulo hur alona.

Suma ka sariyad’a 18:24

Mika mi hulong dazi ala: Filei man ma an luma, agi yom zlapa ki ma ngat buzuna pet, agi igi ki sed’eziya! Ni me mana mi ar nga d’ei ge? Ni nana ba, agi dan ala: Ni zla me ge ge?

2 Sunda Hamuleinid’a 24:18

A ar gong nga kud’ora hi Ma didina Alona habuyozi ngolonid’a woyo, a i kud’or alo d’a a yat ala Asera-d’a ki fileina mi. Ata yi máma Ma didina hurum zal yam suma Juda-na ki suma Jerusalem-ma, kayam a mbut tazi tchod’a avoromu.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Jeremi 10:5

Alo ma hina na mi ni d’igi agu ma sana mi pum aduk asinena á dik aluweinina na, nga mi de zla d’uo mi. Sana mi hlumî hle, kayam nga mi tit kayam tam mbi. Ar agi lagizi mandaram mbi, kayam mi we nga á le vama tcho mi sa d’uo mi na, mi ndak á le vama djivi mi sa d’uo mi.

Jeremi 48:13

Suma Mowap-ma a mba mbut zulona yam alo mazina Kemos d’igi Israel-lâ a mbut zulona yam alo ma Betel ma azi tin huruzi kama na.