2 Sunda Hamuleinid’a 25:14 - Bible azumeina

¹⁴ Kid’a Amasiya mi kuzï yam suma Edom-ma kusa, kur hulong mamba mi hleï alona hi suma Edom-ma, mi mba mi mbud’um alo mama, mi grif kä avoromu, mi ngalam dubang ma his djivid’ina mi.

2 Sunda Hamuleinid’a 25:14 Referans Kwoze

2 Sunda Hamuleinid’a 28:23

Mi hahle suma ngat buzuna malona hi suma Damas ma nga mi durum ayînina, mi dala: Nalona hamulei suma Siri-na ba, nga mi ndjunuziya, an i ni hum he d’a hawad’a ngat buzuna, kayam mi ndjununu. Hina wani, mi mba ki b’laka kam ki Israel-lâ pet mi.

Isai 44:19

Sa tu ma adigazi ma mi nga ki djib’era kurum mboze ma nga ki wad’ud’a d’oze ki d’alâ ma mi dala: An ni ngal wa ma dingâ woi kakud’a, an ni ngal wa ma dingâ kiwilâ, ni yi wa avuna ki gordjona, ni sor wa hliuna ki ma dingâ, ni tum wa! Na ni an ndak á le kad’um mba ara vama ndjendjed’a zu? Na ni an ndak á grif kä avok vun adjo ma gurub’uhlâ zi ge d’a d’i!

2 Samuel 5:21

Suma Filistê-na a ar filei mazina teteng ngei ata yi máma; David ki sum mama a yomîya.

Gat ta a hat á mbàd’id’a 7:25

Agi ngalagi filei mazi ma a tched’em d’igi alona na na woyo, agi lagi d’od’oka yam kawei ma hapma ki lor ra a gulud’uzi ki d’a tala agi yozi yo ba á mbut dau ma vigigina d’a d’i. Kayam ahle ndazina nahle suma ndjendjed’a ir Ma didina Alo magina.

Gat ta a hat á mbàd’id’a 7:5

Wana ni vama agi lum ki sed’ezina: Agi pleyêzi yi mazi ma teteng ma ngal ahle suma ngat buzuna woyo, agi togi angus ahle mazi suma tcheta woyo, agi kuzugi filei mazi ma teteng ma nga tchola avun agre’îna woyo, agi ngalazi filei mazi ma teteng ma a tched’ema woi mi.

2 Sunda Hamuleinid’a 25:2

Mi le sun nda djivid’a avok Ma didina, wani nga ni ki hur ma tuna d’i.

2 Sunda Hamuleinid’a 25:13

Wani azigar suma Amasiya mi digizi avo ala a i dur ayîna ki sed’em mbuo na, a ndja abozi dur ayîna hur azì ma nglo ma Juda-na, tinï ad’ud’a ei Samari dei gak mba Bet-Horon, a tchi suma 3000, a hurum ahlena ngola mi.

Isai 44:15

Mi yo agu máma á ngala, mi yom mi hol ki tamu, mi yavuna ki ma dingâ, mi min alona ki ma dingâ á kud’uromu, mi tchet ma dingâ fileina á grif kä avorom mi.

Buzuk ka Abud’a 23:24

Ata yi máma agi grivigi kä avok alo mazina á kud’urom mbi, agi lagi fileina d’igi azi nga le na d’uo mi. Wani agi b’lagagi alo mazina woyo, agi tozi filei mazi ma tcheta woi kakaf mi.

2 Amuleina 14:8

Bur tu Amasiya mi sun suma ata Jowas Jowahas gorom ma Jehu gorom ngolona amul ma Israel-lâ, mi dum ala: Ang ngavanï, ei duri tei ayîna.

Amos 2:4

Ma didina mi dala: Suma Juda-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ar gata hi an Ma didinid’a ki vun man ma hed’a woyo, kayam azi vit tazi woi ki filei ma ka zla ma abuyozi ngolo a he tazi kama,