2 Sunda Hamuleinid’a 25:13 - Bible azumeina

¹³ Wani azigar suma Amasiya mi digizi avo ala a i dur ayîna ki sed’em mbuo na, a ndja abozi dur ayîna hur azì ma nglo ma Juda-na, tinï ad’ud’a ei Samari dei gak mba Bet-Horon, a tchi suma 3000, a hurum ahlena ngola mi.

2 Sunda Hamuleinid’a 25:13 Referans Kwoze

2 Sunda Hamuleinid’a 8:5

Mi min azì ma Bet-Horon ma akulo ata yima ndingîna kazì ma Bet-Horon ma kä ata yima ligitimina. Nazì ma nglo ma ad’eng ma nga ki gulumuna, mi nga ki bapma ki kawei ma murgulina kuana.

1 Amuleina 16:29

Kur biza d’a dok hindi yam klavandi d’a Asa nga mi tamula yam suma Juda-nid’a, Ahap Omri goroma mi kak amula yam Israel-lâ, mi tamula avo Samari bizad’a dok mbà yam mbà.

1 Amuleina 16:24

Bugola, mi i gen Semer, mi gus yima nding ma Samari-na abom ir bege d’a hapa 6000, mi min azina yam yima nding máma, mi yum ki simiyê sala yi máma Semer ala Samari.

1 Amuleina 9:17

Kayam ndata, Salomon mi min Gezer min nda dinga kazì ma Bet-Horon ma kä ata yima ligitimina.

Josue 10:10

Ma didina mi ndjoyôzi woi avok Israel-lâ. A tchazi tchi d’a tchod’a avo Gabawon, a nga digizi kur lovot ta i akulo Bet-Horon-nda, a tchazi gak a mbaza Azeka ki Makeda.

2 Sunda Hamuleinid’a 25:12

Suma Juda-na a yo suma dingâ ki irazi arid’a 10.000, a i ki sed’ezi akulo yam ahinad’a, a zud’uzi kä yam ahinad’a, a bo woi pet.

2 Sunda Hamuleinid’a 25:14

Kid’a Amasiya mi kuzï yam suma Edom-ma kusa, kur hulong mamba mi hleï alona hi suma Edom-ma, mi mba mi mbud’um alo mama, mi grif kä avoromu, mi ngalam dubang ma his djivid’ina mi.