2 Sunda Hamuleinid’a 23:17 - Bible azumeina

¹⁷ Ata yi máma ablaud’a pet ti tchuk kur gong nga kud’ora halo ma a yum ala Bäl-lâ, a pleyêt teyo, a to yima teteng ma ngal ahle suma ngat buzuna ki filei mazi ma teteng ma nga tchola kuana woyo. A tchi Matan ma ngat buzuna hi Bäl-lâ kä woi avok yima ngal ahle suma ngat buzu tetengâ mi.

2 Sunda Hamuleinid’a 23:17 Referans Kwoze

1 Amuleina 18:40

Elie mi dazi ala: Agi vigigi suma djok vuna hi Bäl-lâ, ar sa adigazi mi sut tu d’i. Azi vigiziya. Elie mi i ki sed’ezi kä avun toliyon nda Kison-nda, mi ngad’azi woi kua.

Isai 2:18

Fileina ki zlam pet mba mi dap peyo.

2 Sunda Hamuleinid’a 34:7

Mi to yima ngal ahle suma ngat buzuna mi fileina ma tetengâ kä woyo, mi kus agu ma murguli ma teteng ma a pum malo d’a a yat ala Asera-d’a ki filei ma teteng ma a tched’ema kä woi kikizek, mi mbud’uzi d’igi andaga d’a gugud’upa na, mi to filei ma afat ma tetengâ kä woi kur ambasa pet, tua ba mi hulong avo Jerusalem.

2 Sunda Hamuleinid’a 34:4

A to yima ngal ahle suma ngat buzuna hi Bäl-lâ ma tetengâ kä woi avoromu, mi to filei ma afat ma nga kam akulo ma tetengâ kä woyo, mi kus agu ma murguli ma teteng ma a pum malo d’a a yat ala Asera-d’a kä woi ki filei ma teteng ma a tched’ema ki filei ma kawei ma teteng ma a yoroma kä woi mi, mi tozi woi kikizek, mi mbud’uzi d’igi andaga d’a gugud’upa na, mi tchuguzi sä woi yam asud’a hi suliyozi suma a ngad’azi buzunina.

2 Amuleina 18:4

Mi pleî yima ndingâ woyo, mi to ahina d’a tcheta kä woyo, mi kus agu ma murguli ma azi pum malo d’a a yat ala Asera-d’a woyo. Mi kus gugui ma kawei ma hleu ma Moise mi yoroma woi mbambak, kayam tinï ad’ud’a kur atchogoid’a hi Moise-sa dei gak kur atchogoi ndata, Israel-lâ a nga ngalam dubang ma his djivid’ina. Gugui máma a yum ala Nehustan.

Gat ta a hat á mbàd’id’a 12:3

Agi pleyêgi yi mazi ma teteng ma ngal ahle suma ngat buzuna woyo, agi togi ahuniyô suma a tched’ezi a tinizi á kud’urozina woyo, agi ngalagi filei mazina woi kakud’a, agi tozi angus ahle mazi suma azi tched’ezi d’igi alo mazina na na woyo, agi blazazi simiyêzi woi yam ambas ndata.