2 Sunda Hamuleinid’a 20:9 - Bible azumeina

⁹ Le ndaka mba kamiya, nala, durâ d’oze ngopa d’oze tugud’ei d’a tcho d’a tchi matna d’oze baktarad’a ni, ami mba tcholomi avorong avun gong nga wanda kayam simiyêng mi nga kur gong ndata, ami mba yang á ndjunumi kur ndak mamid’a. Ang mba humumiya, ang mba sud’umi woi mi.

2 Sunda Hamuleinid’a 20:9 Referans Kwoze

2 Sunda Hamuleinid’a 6:20

Ang mal irang ngei ang gol gong ndata ki djivid’a andjege ki faleya. Ni yima ang de kam ala ni yima ang mba kak kuana na. Ang hum tchen nda an azong mangâ nga ni tcheneng ata yi mámid’a.

1 Amuleina 8:33

Le Israel-lâ a tchila yam zla manga, mazi suma djangûna a kus kazi ba, le azi mba tcheneng ala ang vat hurung ngei kaziya, a gilengû, le a tcheneng tchen nda hud’a kur gong nga wanda mi ni,

1 Amuleina 8:37

Fata baktarad’a ti nde yam andaga ndatid’a, d’oze tugud’ei d’a tcho d’a tchi matna ti nde, d’oze ahlena a nga so abo huwaka akulo kaseziya, d’oze teb’rezena ki djera a mba adesâ adesâ, d’oze suma djangûna a nga djop vun Israel-lâ, a nga lazazi gak kur aziyazi ma ad’eng ma ngunguna, d’oze le b’lak ka lara ti mba, d’oze tugud’ei d’a lara pî,

Buzuk ka Abud’a 20:24

Agi minin yima ngal ahle suma ngat buzuna kandagad’a. Agi mba han ahle suma ngat buzu suma ngala kahle suma ngat buzu suma zlap darigïd’a ki d’uwar magi ma gureina ki ma nglona kamu. Ata yima lara ma human mba d’i gan yam simiyêna, an mba ni mba gevegiya, an mba ni b’e vunan kagi mi.

Matiye 18:20

Kayam ata yima lara ma suma mbà d’oze hindi a nga toka ki simiyêna, an nga adigaziya.

Buzuk ka Abud’a 23:21

Agi gologi tagi djivi avoromu, agi humum vunamu, agi som vunam mbi, kayam mam mba mi vat hurum mbei yam tcho magid’a d’i. Kayam mam le sunda ni ki simiyên anu.

2 Sunda Hamuleinid’a 20:8

Azi kak kua, a mining gong nga a tinit irat vata ki simiyêngû, a dala:

Esdras 10:1

Esdras mi grif kä avun gong nga kud’ora hAlonid’a, nga mi tchiya, nga mi tchena, nga mi däd’u tcho mazid’a woyo. Ata yi máma Israel-lâ ablaud’a, nala, andjofâ, aropma ki kemba, a tok gevemu, a tchi ki simina irazi dundulung.

Sawal la giled’a 91:3

NAlona ba, mba mi prud’ung ngei abo dauna hi sama nduwandina, abo tugud’ei djabuma mi.

1 Amuleina 8:30

Ang hum yi d’a an azong mangâ nga ni yanga; yi d’a mang suma Israel-lâ a nga yang ini ata yi mámid’a, ang humumi mi. Ma didin ma sä akulona, ata yima ang nga kaka kuana, ang humumiya, ang vat hurung ngei kami mi.

2 Sunda Hamuleinid’a 6:5

Dedei d’a an buzugï sum mana woi yam ambas sa Ezipte-d’a, an man nga azì ma ngol tu aduk andjafâ hi Israel-lîna á min gong nga simiyên mba mi yi kuad’a d’i, an man nga sa á tak lovota mi man suma Israel-lâ d’uo mi.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.