2 Sunda Hamuleinid’a 20:15 - Bible azumeina

¹⁵ Mi de ki delem akulo ala: Agi suma Juda-na, agi suma Jerusalem-ma ki ang tang amulâ Josafat, agi humugiya! Ma didina mi dala: Agi lagi mandar ri, ar vun adigagi pat abo azigar suma mimiyâk ndazina d’i! Ni agi ba, mba durugi d’i, wani ni an Alo magina ba, mba ni dur ayîna kagiya.

2 Sunda Hamuleinid’a 20:15 Referans Kwoze

Gat ta a hat á mbàd’id’a 31:6

Agi vagi tagi ad’enga, agi sogi tagiya, agi lagi mandar ri, agi zlagagi avorozi d’uo mi, kayam Ma didina Alo magina tamba nga mi tit ki sed’egiya, mba mi aragi vagi d’i, mba mi aragi woi d’uo mi.

1 Samuel 17:47

Ablau suma tok pet wana a mba wala Ma didina nga mi min ni mbigeu d’a fiyaka ki djamba á kus ayîna d’i; mam tamba ni ma kus ayîna, mba mi hagi ini abomiya.

Gat ta a hat á mbàd’id’a 31:8

Ma didina tamba mba mi tit avorongû, mba mi tit ki sed’engû, mba mi arang vang ngi, mba mi arang ngei d’uo mi. Kayam ndata, ang le mandar ri, vunadigang pat fek kuo mi.

Gat ta a hat á mbàd’id’a 20:4

Kayam Ma didina Alo magina nga mi tit ki sed’egi á dur magi suma djangûna kagi á sud’ugiya.

Gat ta a hat á mbàd’id’a 20:1

Moise mi de kua ala: Fata agi igi á dur ayîna ki magi suma djangûnid’a, le agi wagi akulumeina ablaud’a ki pus ma dur ayîna teteng ki suma ablaud’a kalagiya ni, agi lagi mandar ri. Kayam Ma didina Alo magi ma buzugugï woi kur ambas sa Ezipte-d’ina, mi nga ki sed’egiya.

Josue 11:6

Ma didina mi de mi Josue ala: Ang lazi mandarazi d’i! Avin aboina hina dedege, an mba ni hangzi abong pet, an mba ni duruzi mbuleina, an mba ni tchazi avok Israel-lâ. Ang mba kazi gigling akulumei mazina, ang mba ngalazi pus mazi ma dur ayîna woi mi.

Nehemi 4:14

Bugol la an i á gol yina tetenga, an de mi suma nglona ki suma avok sumina kablau suma pet suma a nga ata yi mámina ala: Ar agi lagi mandara magi suma djangûna d’i. Agi djib’eregi yam Salad’a ala ni Ma ngol ma kal papana, agi durugi ayîna yam b’oziyogina, yam grogi suma andjofâ ki suma aropma, yam amiyôgina, yam aziyagi mi.

2 Sunda Hamuleinid’a 20:16

Ndjivin agi igi atazi durâ, azi nga mbeï ki lovot ta yam ahina d’a Sis-sa, agi i ngavazi avun hor ra avun ful ma Jeruwel-lîd’a.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Suma ka sariyad’a 7:21

Nge nge pî, mi ar tchola ata yima mam nga kuana bugol kangâ. Suma kur kangîna pet a wet ringâ, a nde tchina ki delezi akulo, a ringâ.

1 Amuleina 20:13

Wani ma djok vun Alona tu mi mba gen Ahap amul ma Israel-lâ, mi dum ala: Ang gola! Ma didina mi dan ala an dangû: Ang wablaud’a hi azigarâ d’a wanda ko zu? An mba ni hangzi ini abongû. Hina wani, ang mba wala an ni Ma didina!

Isai 37:6

Isai mi dazi ala: Zla d’a agi i dat mi salaginid’a ba wana: Ma didina mi dala: An hum ngul la suma nglo suma hamul ma Asiri-na a ngulunda, wani ang le mandarâ yam zla d’a azi data d’i.