2 Sunda Hamuleinid’a 2:4 - Bible azumeina

⁴ Gola! An nga ni min gonga mi Ma didina Alo mana á tinit irat vat á ngal dubang ma his djivid’ina avoromu, á ndjar avungôna avorom teteu, á hahle suma ngat buzu suma ngala yorogo ki fladege burâ ki burâ, kur bur ma sabatna, kur deîd’a hi tilîd’a, kur bur ma vun tilâ hi Ma didina Alo mamina d’igi mi he gat ta didinda mi Israel-lâ na.

2 Sunda Hamuleinid’a 2:4 Referans Kwoze

Buzuk ka Abud’a 30:7

Yorogo d’a lara pî, Aron mba mi ngal dubang ma his djivid’ina ata yima mi min lalambina.

Buzuk ka Abud’a 25:30

Agi tinigi avungô ma a tinim iram vam mi ana avogon yam tabul máma burâ ki burâ.

2 Sunda Hamuleinid’a 2:1

Salomon mi he vuna ala a min gonga mi Ma didina, a min gong nga amula mi mam tamba mi.

1 Amuleina 8:63

Amulâ mi ngat amuzleina buzuna ni 22.000 kaho’â 120.000 á le darigïd’a ki Ma didina á tin gong nga kud’ora hi Ma didinid’a irat vat mi.

1 Amuleina 8:18

Wani Ma didina mi de mabun David ala: Ang nga hurung á minin gonga gagazi.

1 Amuleina 5:5

Wani ki tchetchemba, an nga hurun á min gonga mi Ma didina Alo mana kayam mam de mabun David ala: Ni gorong ma an mba ni pad’am á vrak blangâng amulina ba, mba mi minin gong nga kud’or ra suma a mba kud’uron kuad’a.

2 Sunda Hamuleinid’a 13:11

Ami nga hami he d’a hawa d’a ngala mi Ma didina yorogo ki fladege burâ ki burâ. Ami nga ngalami dubang ma his djivid’ina, ami nga ndjarami avungôna yam tabul ma a tinim iram vama. Fladege ami nga sad’ami agu lalam ma lora woyo, ami nga domi lalam mamba akud’a mi. Ami nga ngomomi vun ma hed’a hi Ma didina Alo maminina. Wani agiya, agi aram mbeyo.

Nehemi 10:33

yam avungô ma a tinim iram vama, yam afut ta a hat he d’a hawa d’a burâ ki burîd’a, yam he d’a hawa d’a ngal la a hat kur bur ma sabatna teteud’a, kur bur ma tilâ deîna, kur bur ma luna mi, yam ahle suma a tinizi irazi vazina, yam he d’a hawa d’a ngat buzuna á zlup yam tchod’a hi Israel-lîd’a, yam ahle suma a nga lazi kur gong nga kud’ora hAlo meinina pet mi.

1 Sunda Hamuleinid’a 22:5

David mi dala: Gorona Salomon mi ni gogorâ tua, mi ne nga d’uo tua mi, wani gong nga a mba minit mi Ma didinid’a, simiyêt mba mi nde yina ki subura yam andagad’a pet. Ni kayam ndata ba, an min minim ahlena kad’u. Ni hina ba, David mi min ahlena ngola avok mat mama.

Sawal la giled’a 86:8

Salad’a, alo ma ding ma d’igi ang na na nga d’i, sun manga a nga ngat ki ndrat ti.

Sawal la giled’a 96:4

Kayam Ma didina ni ma ngol ma ndak á suburina; ni ma a ringîm mandaram kal alona petna.

Zla d’a d’ogolâ 7:20

Mi hle bid’im mba beged’a abomu, mi mba ni tilâ b’od’a mbeî.