2 Sunda Hamuleinid’a 2:12 - Bible azumeina

¹² Hiram mi de kua ala: An le mersi mi Ma didina Alona hi Israel-lâ ma mi lakulod’a kandagad’ina, kayam mi hamulâ David gor ma ned’a ma d’alâ ma wad’ud’a ma ndak á min gong nga kud’ora mi Ma didina ki gong nga amula yam mam tambina.

2 Sunda Hamuleinid’a 2:12 Referans Kwoze

Sawal la giled’a 33:6

Ma didina mi lakulod’a ni ki zla mam mba ded’a, mi lahle suma kurutna pet ni ki zla d’a ndeï avunamba.

Vama ndum mbeina 4:11

Â, Salamina Alo mamina, ang ndak á subura, á hud’a, á vad’enga mi. Kayam ahlena pet ang lazi ni angû; nata min manga ba, azi nga, azi nga karid’a mi.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

Vama ndum mbeina 10:6

Mi gun tam ki simiyê Alo ma nga kaka karid’a gak didin ma lakulod’a kahle suma kurutna pet kandagad’a kahle suma kurutna pet kalum ma ngolâ kahle suma kuruma pet mi na. Mi de woi ala: Djupa nga d’uo d’a.

Sunda hi suma a sunuzinid’a 14:15

a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Sunda hi suma a sunuzinid’a 4:24

Kid’a a humba, a zlap vunazi tu mAlona, a de ki delezi akulo ala: Salad’a, angî ma lakulod’a kandagad’a kalum ma ngolâ kahlena pet suma a nga kurumina.

Wana ni Zla d’a Djivi d’a Luc mi b’irita 1:68

Ar ei gileigi Ma didina Alona hi Israel-lîna, kayam mi djib’er yam sum mama á wurak kaziya.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Sawal la giled’a 124:8

Ndjun meid’a ti tcholï nata Ma didin ma lakulod’a kandagad’ina.

Sawal la giled’a 102:25

An dala: Alo mana, ang ma nga kaka kur atchogoi d’a lara ge petna, ang hlan avok burun bei dapa d’i.

Sawal la giled’a 102:5

An mbut ni d’igi asu ma a ngad’am mi so woina na, an mar yam te mana mi.

2 Sunda Hamuleinid’a 2:1

Salomon mi he vuna ala a min gonga mi Ma didina, a min gong nga amula mi mam tamba mi.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

1 Amuleina 5:7

Ata yima amulâ Hiram mi hum zlad’a hi Salomon-ndina, mi le furîd’a ngola, mi dala: An he Ma didina ngola ini, kayam mi he ne d’a ngola mi David goroma á te yam ablau d’a ngola hi Israel-lîd’a.

2 Sunda Hamuleinid’a 2:13

Ki tchetchemba, an nga ni sunung Hiram-Abi ma d’al ma ne ma nda’â.