2 Sunda Hamuleinid’a 19:11 - Bible azumeina

¹¹ Gola! Ma ngol ma ngat buzuna Amariya ni ma ngol ma kagi yam ahlena hi Ma didina petna. Zebadiya Ismael gorom ma te yamba kur azì ma Juda-na ni ma yam ahlena hamulâ petna, suma hi Levi-na ni magi suma nglo suma ka sariyad’a. Agi kagagi ngingring, kagi sariya d’a d’ingêra! Ar Ma didina mi kak ki sama mba mi le djivid’ina!

2 Sunda Hamuleinid’a 19:11 Referans Kwoze

2 Sunda Hamuleinid’a 19:8

Kid’a a hulongî avo Jerusalem-mba, Josafat mi tin suma hi Levi-na ki suma ngat buzuna ki suma nglo suma avok andjafâ hi Israel-lâ suma avo Jerusalem-ma á ka sariyad’a hi Ma didinid’a, á min zlad’a aduk suma mi.

2 Timote 2:1

Kayam ndata, ang gorona Timote, ar ang sira kur suma d’a zlabei tu ki Jesus Christ-sa.

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

Sunda hi suma a sunuzinid’a 11:24

Mam mi sama djivina. Muzuk ma bei tchod’a ba na ki he gagazid’a a nga oîd’a kurum mi. Suma ablaud’a a mbut suma hi Salad’ina.

Wana ni Zla d’a Djivi d’a Luc mi b’irita 23:50

Sana nga, simiyêm ala Josef ni ma Arimate-na. Arimate nazì ma ngol ma yam ambas sa Juif-fina. Josef ni ma nga aduk suma b’ak zlad’a, ni sama djivina, ni ma d’ingêrâ mi.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Ma tchi wala 2:26

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

Zla d’a d’ogolâ 2:20

Kayam ndata, ar ang hle ni lovota hi suma djivinid’a, ar ang tit ni kur lovota hi suma d’ingêrîd’a mi.

Sawal la giled’a 112:5

Sama nga mi we hohowa suma, nga mi hazi balâ, nga mi le sun mamba ata lovod’ot na, nga mi le ni sun nda djivid’a.

Sawal la giled’a 37:23

Ni Ma didina ba, nga mi ndjun sana kur tit mamba, tam nga d’i lum djivid’a yam lovot mamba mi.

2 Sunda Hamuleinid’a 19:6

Mi dazi ala: Agi gologi tagi kahle suma agi mba lazina, kayam agi mba kagi ni sariyad’a hi sumid’a d’i, wani agi mba kagi ni sariyad’a hi Ma didinid’a, kayam mam tamba mba mi kak ki sed’egi ata yima agi mba kagi sariyad’ina.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

1 Sunda Hamuleinid’a 26:30

Hasabiya ma ad’u andjafâ hi Hebron-na ki b’oziyom suma gangrangâ, a ni dubu yam kikisa kid’iziya. Ni suma a nga te yam Israel suma sä kaka abo alum ma Jurdê-na woi hî abo ma fladegena yam sunda hi Ma didinid’a, yam sunda hamulîd’a mi na.

1 Sunda Hamuleinid’a 22:19

Ki tchetchemba, agi hagi tagi ki hur ma tuna á hal Ma didina Alo magina, agi tchologi akulo, agi minigi gong nga kud’ora hi Ma didina Alonid’a, agi mbagi ki zanduk ma vun ma djinda hi Ma didinina mi nga kuana kahle suma a tinizi irazi vazi mAlonina kur gong nga a mba minit ki simiyê Ma didina ndata.

1 Sunda Hamuleinid’a 22:16

Lora, kawei ma hapma, kawei ma hleuna ki kawei ma wurana, a ndak á ndumba d’i. Ang tchola, ang le sunda ki sed’eziya! Ar Ma didina mi kak ki sed’eng mi!

1 Sunda Hamuleinid’a 22:11

Ki tchetchemba, gorona, ar Ma didina mi kak ki sed’engû, mi lang djivid’a. Ar ang min gonga mi Ma didina Alo mangâ d’igi mi hlan vunam kang na.

1 Sunda Hamuleinid’a 6:11

Azariya mi vut Amariya, Amariya mi vut Ahitup,

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Josue 1:6

Ang ve tang ad’enga, ang so tangû, kayam ni ang ba, mba i ki sum ndazina yam ambas sa an gun tan kat mabuyozi ngolo á hazizid’a.

1 Sunda Hamuleinid’a 26:32

Jeriya b’oziyom suma gangrangâ a ni 2700, ni suma avok sum mazinina. David mi tinizi á ngom ahlena hAlonina kahle mam suma amula yam andagad’a hi suma hi Ruben-nid’a, yam andagad’a hi suma hi Gad-nid’a kandagad’a habo andjafâ hi Manase-nid’a mi.

2 Sunda Hamuleinid’a 15:7

Wani ki tchetchemba, agi vagi tagi ad’enga, ar tagi tchuk lus si, kayam a mba wuragagi yam sun magid’a.

Esdras 7:5

Abisuwa, Fines, Elazar ki ma ngol ma ngat buzuna Aron, azi pet ni Esdras abuyom ngolo.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.