2 Sunda Hamuleinid’a 18:31 - Bible azumeina

³¹ Kayam ndata, ata yima suma nglo suma yam pus ma dur ayînina a we Josafat-na, a dala: Wana namul ma Israel-lâ, a nguyum á durâ. Wani Josafat mi yi Ma didina á ndjunumu. Ma didina mi ndjunumu, mi digizi woi kamu.

2 Sunda Hamuleinid’a 18:31 Referans Kwoze

2 Sunda Hamuleinid’a 13:14

Suma Juda-na a mbut iraziya. Kid’a a wala ayîna mi nga avorozi ki blogozi mi d’a, a tchi yam Ma didina ki delezi akulo, suma ngat buzuna a bu aduveina mi.

Sawal la giled’a 118:13

Azi zud’un ad’enga vir á gan kä, wani Ma didina mi ndjununu.

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Zla d’a d’ogolâ 16:7

Le Ma didina hurum ve tita hi sanid’a ni, mam suma djangûna pî, mba mi zlabam darigïd’a ki sed’eziya.

Sawal la giled’a 94:17

Ladjï Ma didina mi ndjunun nduo ni, an arî hina go á bad’a woi ki iran fafat.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 46:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 34:7

Ata yima sama hohoud’a mi tchi yam Ma didinina, mam hulongôm humba, mam sud’um mbei kur ndak mamba pet mi.

Nehemi 1:11

Salad’a, ang tin humang hum tchen nda an azong mangâ nga ni tchenenga ki tchenda hazungeî mang suma a nga lang mandarangâ, ang wan hohowon an azong mangâ avok amul máma ini. Kur biza ndata an ni ma ni he süma mamulîna.

Esdras 7:27

Esdras mi dala: Lei mersi mi Ma didina Alona habuyoi ngolo ma mi mal djib’era hamulîd’a woi mi min gong nga djifâ hi Ma didinid’a avo Jerusalem-ma.

Esdras 1:1

Kur biza d’a avok ka Sirus amul ma Perse-na nga mi tamulid’a, Ma didina mi nga hurum á ndak vun zla d’a mi dat avun mam ma djok vuna Jeremi-d’a. Mi mal djib’era hi Sirus amul ma Perse-nid’a woyo. Sirus mi tchi wala ki vunamu, mi b’ir mbaktumba mi suma kur leu mambina pet ala:

2 Sunda Hamuleinid’a 26:7

Alona mi ndjunum mi dur ayîna ki suma Filistê-na ki suma Arap suma a nga kaka Gur-Bäl-lâ ki suma Mawon-na mi.

2 Sunda Hamuleinid’a 14:11

Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ.

Buzuk ka Abud’a 14:10

Kid’a Faron mi mba go ki sed’ezid’a, Israel-lâ a hle irazi akulo, a gol wani, Ezipte-na a nga djï blogoziya! Israel-lâ mandarâ vazi ngola, a nga tchi ki delezi akulo yam Ma didina.

2 Sunda Hamuleinid’a 13:15

Ata yi máma suma Juda-na a tum sor ra ayîna. Ata yima a tum sor ra ayînina, Ma didina mi dur Jerobowam azi ki Israel-lâ avok Abiya ki suma Juda-na.

2 Sunda Hamuleinid’a 18:30

Wani amul ma Siri-na mi he vuna mi suma nglo suma yam pus ma dur ayînina ala: Agi durugi azigar suma gureina d’oze azigar suma nglona d’i. Wani agi durugi namul ma Israel-lâ tamba.

2 Sunda Hamuleinid’a 18:32

Ata yima suma nglo suma yam pus ma dur ayînina a wala nga namul ma Israel-lâ d’uo na, a aram bei dika.

1 Sunda Hamuleinid’a 5:20

A fe ndjunda á dur ki suma Hagar-râ ki suma zlapa ki sed’ezina pet, a kus kaziya, kayam kur ayî máma a tchen Alona. Mi humuziya, kayam azi deng tazi natamu.

Sawal la giled’a 56:10

Fata an mba ni yang á ndjununda, man suma djangûna a mba dadak bugol kazigaziya. Ata yi máma an mba ni wala ang Alona, ang nga ki sed’enu.