2 Sunda Hamuleinid’a 18:18 - Bible azumeina

¹⁸ Wani Mise mi hulong dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufâ ki d’a gulad’a.

2 Sunda Hamuleinid’a 18:18 Referans Kwoze

Daniel 7:9

Daniel mi de kua ala: Ata yima an nga ni gol tua na, a ndjar zlumiyôna kä, ma abizei ma dedeina mi mba mi kak yam zlam mba dinga tu. Baru mam mba atamba ti hapa d’igi gagarad’a na, tumus sa kamba ti djifâ luluî d’igi tumus tumiyôna na. Zlam mamba nga d’i ngal d’igi sin akud’a na, abot ni d’igi abo pus ma akud’a na,

Zakari 1:10

Sama nga tchola aduk agu mirtenina mi dan ala: Azi nakulumei suma Ma didina mi sunuzï á ngui tita yam andagad’ina.

Amos 7:16

Ki tchetchemba, ang Amasiya, ang hum zlad’a hi Ma didinid’a. Ang mala an djok vuna mi Israel-lâ d’uo an ngir hum andjafâ hi Isa’â d’uo mi na.

Jeremi 34:4

Wani Sedekiyas amul ma Juda-na, ang hum zlad’a hi Ma didina d’a mi dat kanga. Mi dala: A mba tchang ki mbigeu d’a fiyaka d’i.

Jeremi 2:4

Agi suma hi Jakob-ma, agi humugi zlad’a hi Ma didinid’a. Agi andjafâ hi Israel-lîna pet, agi humugi mi.

Isai 39:5

Ata yi máma Isai mi dum ala: Ang hum zla d’a Ma didin ma ad’engêm kal petna mi data.

Isai 28:14

Kayam ndata, agi suma las suma, agi suma nga tagi yam suma Jerusalem-mina, ar agi humugi zlad’a hi Ma didinid’a.

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

Ad’u Tinda 32:2

Ata yima Jakob mi wazina, mi er ad’um akulo ala: Ihî ni yina hAlonina, mi yi yi máma ala Mahanayim.

Jeremi 19:3

Ang dazi ala: Agi amulei suma Juda-na ki suma a nga kaka avo Jerusalem-ma, agi humugi zlad’a hi Ma didinid’a. Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndaka yam yima wana. Ni ndak ka sama lara ma mi humatna humum mba d’i ngel lei abotna.

2 Sunda Hamuleinid’a 18:17

Amul ma Israel-lâ mi de mi Josafat ala: An dangî a na ge? Mi nga mi djogon vun ma djivi d’i, mi djogon ni vun ma tchona burâ ki burâ!

2 Sunda Hamuleinid’a 18:19

Mi djop ala: Ni nge ba, mba mi lop sä vun Ahap á i dur ayîna ata azì ma Ramot ma Galät-na lop ba, á tchumza woi ge? Ma hina mi de zla mamba ni vad’u, ma hina mi de zla mamba ni vat mi.

Daniel 7:10

toliyon nda akud’a nga avoromu, nga d’i djang d’igi mbina na. Suma dubuna a nga gevem á lum sunda, suma bubupma a nga tchola avorom mi. Suma ka sariyad’a a nga kaka kä yam zlumiyô mazina, a mal mbaktumba woi teteng mi.