2 Sunda Hamuleinid’a 17:19 - Bible azumeina

¹⁹ Wana ni azigar suma sun suma hamulâ suma avo Jerusalem-ma. Suma ding suma a nga woi kur azì ma nglo ma ad’eng ma ngungu ma Juda-na a nga woi kua tua mi.

2 Sunda Hamuleinid’a 17:19 Referans Kwoze

2 Sunda Hamuleinid’a 17:2

Mi tchol ad’enga á dur ki Israel-lâ, mi tin azigarâ kur azì ma nglo ma Juda-na pet kazì ma a ngom ahle suma ayîna kua kur ambasina kazì ma nglo ma Efraim ma abum Asa mi hluma pet mi.

2 Sunda Hamuleinid’a 17:12

Josafat simiyêm nga mi yi avogovogo, mi min azì ma ad’engâ kur Juda kazì ma nglona á ngom ahle suma tena kua mi.

2 Sunda Hamuleinid’a 11:23

Mi nga ki d’alâ á b’rau grom suma dingâ woi kur azì ma nglo ma ad’eng ma ngungu ma yam andaga d’a hi Juda-d’a ki d’a hi Benjamin-ndina pet, mi hazi tena ngola, mi vigizi aropma ablaud’a mi.

2 Sunda Hamuleinid’a 11:12

Kur azì ma nglo máma, ma lara pî mi nga ki mboriyo suma nglona kasubiyona kua. Ni kayam azì ma ad’eng máma ba, mam fad’enga á te yam suma hi Juda-na ki suma hi Benjamin-na mi.

2 Sunda Hamuleinid’a 17:18

Ma ngol ma kama ni Zozabat. Azigar suma gangrang suma a nga ki sed’ema a ni 180.000.

2 Sunda Hamuleinid’a 33:14

Bugol ahle ndazina, mi min gulumun ma woi abu avun Azì ma ngolâ hi David-nina abo ma fladegena hi mbiyo ma lau ma Gihon-na kur hora gak mi mbaza avun agre’â hi kulufîna. Mi ngui Ofel lei d’uhl, mi minim akulo fiyaka dei, mi tin azigar suma nglona kur azì ma ad’eng ma ngungu ma kur Juda-na pepet mi.