2 Sunda Hamuleinid’a 15:15 - Bible azumeina

¹⁵ Suma Juda-na ki zla tazi pet a le furîd’a yam gun nda azi gun tazid’a, kayam azi gun tazi ni ki hur ma tuna, a hal Ma didina ni ki furîd’a, mi arazi a fum mi, kayam Ma didina mi hazi lovota á tuk tad’a ata yima lara ge pet mi.

2 Sunda Hamuleinid’a 15:15 Referans Kwoze

2 Sunda Hamuleinid’a 14:7

Azigar suma hi Asa suma Juda suma a dur ki mbarei d’a nglod’a kasapina a ni 300.000. Azigar suma Benjamin suma a dur ki mbarei d’a gureid’a ki yeûd’ina a ni 280.000. Azi pet ni grang suma dur ayîna.

2 Sunda Hamuleinid’a 15:12

A hle vunazi kur bur máma ala azi le minda hi Ma didina Alona habuyozi ngolona ki hur ma tuna ki tazi pet mi.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Isai 26:8

Gagazi, Ma didina, ami tinimi hurumi ni kayam angû. Lovot mang nga ang tagata ni d’a d’ingêra. Ami nga yangû, ami nga tchenengû. Wana ni djib’er ra kurumi d’a ami minita.

Sawal la giled’a 119:111

Vun mang ma hed’a ni djo man ma te ma gak didina, kayam mam mi furî manda.

Sawal la giled’a 32:11

Agi suma d’ingêrâ, agi lagi furîd’a yam Ma didina, agi lagi hur ma hapma; agi suma pet suma bei tchod’a kurugina, agi eregi ad’ugi akulo ki furîd’a.

2 Sunda Hamuleinid’a 15:4

Wani kur ndak mazid’a azi hulong gen Ma didina Alona hi Israel-lîna, a halamu, mi arazi a fum mi.

Filip-ma 1:23

Wani an nga hepa aduk ahle suma mbà ndazina. An djib’er ala le an i kak ki Christ-zu ni, ni vama kal teglesâ.

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Zla d’a d’ogolâ 3:17

Lovot mata ni lovot ta djivid’a, lovot mat ta gureid’a pet ni halasa.

Sawal la giled’a 119:106

An gun tanu, an nga tchola yam zla ndata á ngom nga hur mang ma d’ingêrâ.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

Nehemi 8:9

Nehemi ma te yamba ki Esdras ma we gata heîna ki suma hi Levi suma a hat sumina, a de mi suma pet ala: Bur ma inina ni bur ma a tinim iram vam yam Ma didina Alo maginina. Ar agi yorogi tagi d’i, agi tchigi d’uo mi. Kayam suma pet ata yima a hum zlad’a hi gatid’ina a nga tchiya.

2 Sunda Hamuleinid’a 29:36

Ezekiyas kablaud’a peta a le furîd’a ngola, kayam Alona mi ndjunuzi á dap sun ndata, kayam a hahle ndazina natogo zak.

2 Sunda Hamuleinid’a 15:6

Andjaf ma dingâ nga mi dur ayîna ki ndram andjaf ma dingâ, azì ma ngolâ nga mi dur ki ndram azì ma ngolâ mi, kayam Alona mi b’lagazi djib’er mazid’a woi ki ndak ka lara ge pet.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

Josue 23:1

Bugol la Ma didina mi he yima tuk tad’a mi Israel-lâ ata yima mi prud’uzi woi abo suma djangû suma a nguyuzina peta, bizad’a kal ngola. Josue mi djeng mamara kikra, bizam kal lei ablaud’a mi.

Gat ta a hat á mbàd’id’a 26:11

Bugola, mi le furîd’a ki ma hi Levi-na kangei ma mba mi kak adigagina yam ahle suma djivi suma Ma didina Alo magina mba mi hagizi ki sum maginina.

2 Sunda Hamuleinid’a 29:10

Ki tchetchemba, an nga ki djib’era kurun krovo á djin vunan ki Ma didina Alona hi Israel-lîna, kayambala kur ayî mam ma bibiliuna ar hurum b’leng ngei keya d’a.

2 Sunda Hamuleinid’a 14:6

Mi de mi suma Juda-na ala: Ei mini azì ma nglo máma, ei nguyum ki gulumuna ki gongîyo suma fuyogei suma ndjola, ei dugi bapma avun ki kawei ma murgulina, kayam ambasa ti nga aboi tua. Ei ni suma d’engzengâ avok Alo meina. Ni kayam d’engzeng ndata ba, mi hei tuk tad’a ata yina pet wana! A min azì ma nglo máma akulo ki djivid’a.

2 Sunda Hamuleinid’a 15:14

A gun tazi avok Ma didina ki delezi akulo, a tum sora, a bu aduveina kadif fa ngola mi.

2 Sunda Hamuleinid’a 20:30

Leud’a hi Josafat-ta ti kak ki halasa, Alo mama mi hum tuk tad’a ata yima lara ge pet mi.

Sawal la giled’a 119:10

An nga ni halang ki hurun pet; ar an d’es sei yam vun mang ma hed’a d’i!

Buzuk ka Abud’a 24:3

Moise mi mba, mi de zla d’a Ma didina mi dumzid’a ki vun ma he ma mi humzina pet mi Israel-lâ. Israel-lâ ki zla tazi pet a hulongôm zla d’a ded’a ki vun ma tuna ala: Ami mba lami ahlena pet suma Ma didina mi dami kazina.

Josue 24:25

Kur bur ma Josue mi gun ablaud’a kAlonina, mi hazi gata ki vun ma hed’a avo Sikem.

2 Amuleina 23:3

Amulâ mi ar tchola akulo ata yam ata yima nding ma a minim á de zlad’ina, mi djin vunam ki Ma didina á tit yam vun ma he mama, yam gat mam mba tetenga ki hurun tu ki tam pet mi, á tit yam zlad’a hi vun ma djin mam ma a b’irim kur mbaktum ndatina mi. Suma pet a djin vunazi yam zla ndata mi.

1 Sunda Hamuleinid’a 16:10

Ar agi suburugi tagi yam simiyê Ma bei tchod’a ba na. Agi suma nga halagi Ma didinina, agi lagi furîd’a kurugi krovo.

2 Sunda Hamuleinid’a 11:16

Suma ad’u andjafâ hi Israel-lâ pet suma a tin huruzi á kud’or Ma didina Alona hi Israel-lîna a i ad’u suma hi Levi-na avo Jerusalem á hahle suma ngat buzuna mi Ma didina Alona hi abuyozi ngolona.

2 Sunda Hamuleinid’a 19:3

Wani mi fahle suma djivina atangû, kayam ang pleî agu ma murguli ma a pum malo d’a a yat ala Asera-d’a woi kur ambas manga. Ang tin hurung á halam mi.

2 Sunda Hamuleinid’a 34:31

Amulâ mi ar tchola ata yamu. Mi djin vunam ki Ma didina á tit yam vun ma he mama, yam gat mamba ki hurum tu ki tam pet mi, á tit yam zlad’a hi vun ma djin mám ma a b’irit kur mbaktum ndatinid’a mi.