2 Sunda Hamuleinid’a 14:12 - Bible azumeina

¹² Asa ki sum mama a digizi gak a mbaza Gerar, a tchi suma Etiyopi-na kakaf. Sa mi sut nga tu d’i, kayam a b’rau woi avok Ma didina ki azigar mama yayak. Asa ki sum mama a kus kazi kus sa ngola, a hurumï ahle mazina ngola mi.

2 Sunda Hamuleinid’a 14:12 Referans Kwoze

2 Sunda Hamuleinid’a 13:15

Ata yi máma suma Juda-na a tum sor ra ayîna. Ata yima a tum sor ra ayînina, Ma didina mi dur Jerobowam azi ki Israel-lâ avok Abiya ki suma Juda-na.

1 Korente-na 15:57

Wani mersi mAlo ma hei ad’enga á kusa zlapa ki Saleina Jesus Christ-sâ.

1 Korente-na 9:26

Kayam ndata, an nga ni ring iran sod’a yam vama sä avorona. An nga ni tum va, nga ni tum mbloka hawa fufulok ki.

Sawal la giled’a 60:12

Ni ang Alo ma arami woina, ni ang ma i nga ki b’rang mamid’a avun ayîna d’uo na d’uo zu?

Josue 10:10

Ma didina mi ndjoyôzi woi avok Israel-lâ. A tchazi tchi d’a tchod’a avo Gabawon, a nga digizi kur lovot ta i akulo Bet-Horon-nda, a tchazi gak a mbaza Azeka ki Makeda.

Gat ta a hat á mbàd’id’a 32:39

Ki tchetchemba, agi wagi woi ala ni an tu ba nAlona. Alo ma ding nga ki sed’en ndi. Ni an ba ni tchi sana; ni an ba ni ar sana karid’a; ni an ba ni ka sana mbilâ; ni an ba ni tchilim mbilim mi. Sama ndak á prut sana woi abona nga d’i.

Gat ta a hat á mbàd’id’a 28:7

Fata magi suma djangûna a tchol dur ayîna ki sed’egid’a, Ma didina mba mi hagi ad’enga á kus kaziya. Azi a mba mba atagi á durâ ni kur lovot ta tud’a, wani azi mba ring avorogi ni ki lovota teteng kid’iziya.

Buzuk ka Abud’a 14:25

Mi d’elezi abo pus mazi ma dur ayîna á djangâ, nga mi pret ti. Ata yi máma Ezipte-na a dala: Ei ringî woi avok Israel-lâ, kayam Ma didina nga mi duri kaziya!

2 Sunda Hamuleinid’a 20:22

Ata yima azi tin ad’ud’a á hle sawala á gile Ma didinina, Ma didina mi sunï suma á bur suma Amon-na ki suma Mowap-ma ki suma a tcholï yam ahina d’a Seir-ra suma a mba ata suma Juda-na á durîna kä, a tchaziya.

2 Sunda Hamuleinid’a 12:3

Sisak mi mba ki pus ma dur ayîna 1200, suma djang akulumeina 60.000 ki azigarâ suma Libi-na ki suma Su’â ki suma Etiyopi-na suma ablawazi ndak nga a ndumba d’uo na. Ni suma a tcholï Ezipte ki sed’ema.

Amos 9:7

Ma didina mi dala: Agi Israel-lâ, agi iran ni d’igi suma Etiyopi-na na d’uo zu? Ni an ba ni buzugugï woi yam ambas sa Ezipte-d’a d’igi an buzugï suma Filistê-na woi Kaftor na, d’igi an buzugï suma Siri-na woi Kir na mi d’uo zu?

Ad’u Tinda 10:19

Andagad’a hi suma Kanan-nid’a tin ni ad’ud’a ni Sidon go ki Gerar, gak Gaza go ki Sodom ki Gomor ki Atma ki Seboyim, gak Lesa.

Buzuk ka Abud’a 12:41

Kid’a biza d’a kikis fid’i yam dok hindi ndata ndaka, kur bur máma tamba, suma hi Ma didinina pet a buzuk kei yam ambas sa Ezipte-d’a.

Buzuk ka Abud’a 12:51

Kur bur máma tamba, Ma didina mi buzuk Israel-lâ woi kur ambas sa Ezipte-d’a, ad’u adezezi ad’u adezeziya.

1 Sunda Hamuleinid’a 5:21

A yo d’uwar mazina, nala, djambala 50.000, tumiyôna 200.000 ki korona 2000, a yo suma 100.000 mi.

2 Sunda Hamuleinid’a 15:11

Kur bur máma a hahle suma a yozï hurumbina vama ngat buzuna mi Ma didina, nala, amuzleina 700 ki tumiyôna 7000 mi.