2 Sunda Hamuleinid’a 12:10 - Bible azumeina

¹⁰ Wani amulâ Robowam mi yor mboriyo suma kawei ma hleuna, mi vragazi balumu, mi hazi abo azigar suma nglo suma a ngom vun agre’â hamulîna.

2 Sunda Hamuleinid’a 12:10 Referans Kwoze

Hor ma tchina 4:1

Alë! Ni nana ba, lora nga d’i wile d’uo ge? Ni nana ba, lor ra bei zozota ba d’a nga d’i ngal wiwilik kuo ge? Ahina d’a a min ki gong nga a tinit irat vata, ti b’rau wa woi ir palumba teteng mi.

1 Sunda Hamuleinid’a 11:25

Subur mamba kal ndrom suma dok hindina, wani mi ndak nga ki grang suma hindi suma avok ndazina d’i. David mi tinim ma ngolâ yam azigar suma avo hatama.

1 Amuleina 14:27

Wani amulâ Robowam mi yor mboriyo suma kawei ma hleuna, mi vragazi balumu, mi hazi abo azigar suma nglo suma a ngom vun agre’â hamulîna.

2 Samuel 23:23

Subur mamba kal grang suma dok hindina, wani mi ndak nga ki grang suma hindi suma avok ndazina d’i. David mi tinim ma ngolâ yam azigar suma avo hatama.

2 Samuel 8:18

Benaya Jehojada goroma ni ma ngolâ hi suma Keret-na ki suma Pelet-na. David groma a nga kad’enga yam ahlena teteng mi.

1 Amuleina 10:16

Amulâ Salomon mi yor mboriyo suma nglo suma lora kikis mbà. D’a tud’a aneget ti hle ni kilona hi lorina karagaya karagaya.

2 Sunda Hamuleinid’a 12:9

Sisak amul ma Ezipte-na mi i dur suma Jerusalem-ma, mi yo ndjondjoî d’a kur gong nga kud’ora hi Ma didinid’id’a ki ndjondjoî d’a kur azina hamulîd’a pet, mi yo mboriyo suma lor suma Salomon mi yorozina pet mi.

2 Sunda Hamuleinid’a 12:11

Wani bur ma lara ma amulâ mi i kur gong nga kud’ora hi Ma didinid’ina, azigar suma ndjola a mba a yo mboriyo ndazina woyo. Bugola, a hulongôzi ata yazi ma ngomba.