2 Sunda Hamuleinid’a 10:4 - Bible azumeina

⁴ Abung mi tinimi sun nda aneka kami d’igi magumeina na. Wani ki tchetchemba, ang hlami sun nda anek ka abung mi tinimizi kami d’igi magumeina na d’a woyo. Hina wani, ami mba lang sunda.

2 Sunda Hamuleinid’a 10:4 Referans Kwoze

1 Amuleina 12:4

Abung mi tinimi sun nda aneka kami d’igi magumeina na. Wani ki tchetchemba, ang hlami sun nda anek ka abung mi tinimizi kami d’igi magumeina na d’a woyo. Hina wani, ami mba lang sunda.

1 Jean 5:3

O d’a lat yam Alonid’a ba wana: Ei gei yei kä ad’u vun ma he mama. Vun ma he mama nga ni vama anek ki,

Matiye 23:4

Azi djin ahle suma aneka heîna, a tinizi kel suma, wani azi tazid’a a min dozi ki tchitchid’azi d’i.

Isai 47:6

Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

1 Amuleina 9:22

Wani Salomon mi tin nga sama Israel kur sun nda magomba d’i, kayam azi ni suma dur ayîna, a nazungeî suma sunda, a ni suma avok sumina, a ni suma a te yam pus ma dur ayînina, a ni suma djang akulumeina mi.

1 Amuleina 5:15

Salomon mi nga ki suma zi ahinad’a 70.000 ki suma tchet ahinad’a 80.000, wani bei ndum suma nglo suma 3300 suma Salomon mi tinizi á gol suma ablau suma a nga le sundina ba. Azi nga le sunda mi Salomon yam ahuniyôna akulo.

1 Amuleina 4:25

Kid’a Salomon mi nga ki iramba, suma Juda-na ki Israel-lâ a kak ki halasa ata yi máma, nge nge pî nga mi zum guguzlu mamba ki tulum mama ki halasa abo hî abo hî kur ambasa pet.

1 Amuleina 4:20

Suma kur ambas sa Juda-d’ina ki suma kur ambas sa Israel-lina a zul d’igi les ma avun alum ma ngolîna na; a nga te, a nga tche, a nga le furîd’a.

Buzuk ka Abud’a 2:23

Bugol la biza d’a ablaud’a kala, amul ma Ezipte-na mi mid’a. Israel-lâ a nga zam tazi abo magom mba a nga lazizid’a, a nga tchi mi. Tchi mazi ma abo magombina mi i gak mi fAlona.

1 Amuleina 5:13

Amulâ Salomon mi yo suma sunda aduk Israel-lâ kad’enga 30.000.

2 Sunda Hamuleinid’a 10:3

A ge sunda a yumïya. Jerobowam ki Israel-lâ pet a mba de mi Robowam ala:

2 Sunda Hamuleinid’a 10:5

Robowam mi hulong dazi ala: Agi aran an djib’er tua, agi i lagi burâ hindi, agi mbeyegï fan tua. Azi i mi.