2 Sunda Hamuleinid’a 10:16 - Bible azumeina

¹⁶ Ata yima Israel-lâ pet a wala amulâ mi min nga zla mazid’a d’uo da na, a dum ala: Va mi ndolomi nga ki David ti. Ami nga tami djona ki Jesse gorom mbi! Agi Israel-lâ, ar nge nge pî mi hulong avo kur zlub’u mamba! A dum kua ala: Ki tchetchemba, ang David goroma, ang tamul manga! Ni hina ba, Israel-lâ a i avo hataziya.

2 Sunda Hamuleinid’a 10:16 Referans Kwoze

2 Sunda Hamuleinid’a 10:19

Ni kayam ndata ba, Israel-lâ a noî suma hi David-na ala a tamula kazi d’uo gak ini ni na.

2 Samuel 20:1

Wani sama bateina mi nga kua, a yuma ala Seba; ni Bikri ma Benjamin-na goroma. Mi bu adifa mi dala: Va mi ndolei nga ki David ti. Ei nga tei djo aduk tei ki Jesse goroma d’i. Agi Israel-lâ nge nge pî, mi hulong avo hatamu!

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.

1 Korente-na 15:25

Kayam ndata, Christ mba mi te leud’a gak Alona mba mi kus yam mam suma djangûna, mba mi mired’ezi kä kasemu.

Sunda hi suma a sunuzinid’a 2:30

Kayam mam mi ma djok vun Alona, mi wala Alona mi hlum vuna ki gun tad’a ala mba mi pat sana tu ad’u ndjavam kuruma á kak yam zlam mam mba amula.

Jean 7:53

Azi nge nge pî mi i avo hatamu.

Jean 6:66

Kid’a azi hum hina d’a, mam suma hata ablaud’a a yo tazi woi ad’umu, a dok tit ki sed’em mbuo d’a.

Wana ni Zla d’a Djivi d’a Luc mi b’irita 19:27

Wani man suma djangû suma a min an te kazi d’uo na, agi mbeyendjï ka hî, agi tchazi kä woi avoron wana.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Sawal la giled’a 132:17

An mba ni tin amul ma ad’engâ ad’u andjafâ hi David-na kur Siyon, an mba ni min lovota avok ma an mba ni vragam balum ma an manam tinim amulina.

1 Sunda Hamuleinid’a 17:14

Wani an mba ni tinim á tamula yam sum mana gak didin, leu mamba mba d’i giget ti.

1 Amuleina 11:13

An mba ni prud’ut tei abom pet ti, wani an mba ni aram andjafâ tu, kayam azong mana David, kayam Jerusalem azì ma an manama mi.

2 Samuel 16:11

David mi de mi Abisai kazungeî mama pet ala: Gola! Goron ma kuruna tamba pî nga mi halan á tchid’a. Ma Benjamin máma zla mamba djivid’a kal luo zu? Agi aram mi ngula. Ma didina mi hum vuna ni mamu.

2 Samuel 15:13

Sana mba mi de mi David ala: Israel-lâ a tok wa vunazi ad’u Apsalom!

1 Samuel 22:13

Saul mi dum ala: Ni kayam me ba, agi ki Jesse goroma agi ndjagagi vunagi kan nge? Ni kayam me ba, ang hum avungôna ki mbigeu d’a fiyaka, ang tchen Alona kam tala mi kak djangûna ki an mi burun kä woi d’igi mam nga mi le ini na ge?

1 Samuel 22:9

Dowek ma Edom-ma ma nga aduk azungeîna hi Saul-lâ, mi hulong dum ala: An we Jesse goroma mi mba avo Nop gen Ahimelek Ahitup goroma.

1 Samuel 22:7

Saul mi de mazungeî mam suma a nga tchola gevem gogona ala: Agi humugiya, agi suma Benjamin-na! Na ni Jesse goroma mba mi hagi agi asinena ki guguzlud’a pet d’igi an na mi zu? Na ni mba mi tinigi yam suma dudubuna ki suma kikisâ pet mi zu?

1 Samuel 20:27

Tcha ndjivin kur bur ma mbàna hi tilîna, yina hi David-na mi nga kä hawa d’ei. Saul mi de mi goroma Jonatan ala: Ni kayam me ba, Jesse goroma mi mba ata tena kama ki ini d’uo ge?

Suma ka sariyad’a 8:35

Israel-lâ a nga djib’er yam suma hi Jerubäl ma a yum ala Zedeyon-na, yam djivi d’a mi lat ki sed’ezid’a d’uo mi.

Wana ni Zla d’a Djivi d’a Luc mi b’irita 19:14

Wani suma yam andaga mambina a noyômu, a ge sunda blogomu, a dala: Ami min sa máma mi te kami d’i.

2 Sunda Hamuleinid’a 10:17

Wani Robowam mi tamula ni yam Israel suma a nga kaka kur azì ma nglo ma Juda-nina hol.