2 Samuel 8:6 - Bible azumeina

⁶ David mi min yima kaka hi azigar mama avo Siri d’a Damas-sa. Suma Siri-na a hulong yazi kä ad’u David, a hum tara. Ma didina mi hum ad’enga á kus yam suma pet ata yima lara ma mam nga mi i kuana.

2 Samuel 8:6 Referans Kwoze

2 Samuel 8:14

Mi min yima kaka hi azigar mamina kur Edom pet; suma Edom-ma pet a ge yazi kä ad’umu. Ata yima lara ma David mi i kuana, Ma didina mi hum ad’enga á kus ayîna yam suma pet.

Sawal la giled’a 140:7

Ma didina, an nga ni dangû, angî Alo mana, Ma didina, ang tin humang hum tchen man nda hud’a.

2 Sunda Hamuleinid’a 17:2

Mi tchol ad’enga á dur ki Israel-lâ, mi tin azigarâ kur azì ma nglo ma Juda-na pet kazì ma a ngom ahle suma ayîna kua kur ambasina kazì ma nglo ma Efraim ma abum Asa mi hluma pet mi.

2 Samuel 7:9

An nga ki sed’eng ata yima lara ma ang i kuana, an tchi mang suma djangûna woi avorong pet, an mbud’ung simiyêng ngola d’igi simiyê suma nglo suma a nga yam andagad’a ka hina na.

Zla d’a d’ogolâ 21:31

A nga ngom akulumeina ni yam bur ma dur ayîna, wani kusa tcholî ata Ma didina.

1 Sunda Hamuleinid’a 18:13

Mi min yima kaka hi azigar mamina kur Edom pet; suma Edom-ma pet a ge yazi kä ad’umu. Ata yima lara ma David nga mi i kuana, Ma didina nga mi hum ad’enga á kus ayîna yam suma pet.

2 Samuel 23:14

David mi nga ata yam ma ngeid’a; Filistê-na a ve nga kang mazina avo Betelehem.

2 Samuel 8:2

David mi dur ayîna ki suma Mowap-ma, mi kus kaziya, mi ndjarazi burâ kä andaga, mi ngazi ki ziyona nga nga hindi, mi tchi suma kur ziyo ma mbànina woyo, mi ar suma kur ziyo ma hindinina bei tchid’a; a hum tara.

2 Samuel 3:18

Ki tchetchemba, agi lagi vama agi hurugi minima, kayam Ma didina mi de zlad’a kam ala: Nata azong mana David ba, an mba ni sut man suma Israel-lâ woi abo suma Filistê-na, abo mazi suma djangûna pet mi.

1 Samuel 14:15

Suma kur kangîna pet ki suma nga woi abuna kablaud’a hi suma pet a nga zlaga. Azigar suma a nga ngom yinina ki azigar suma a i á b’lak yinina a zlak mi. Andagad’a yira; azi le mandarâ ngola.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.

1 Samuel 14:1

Bur tu Jonatan Saul goroma mi de mazong mam ma mi zim ahle mam suma dur ayînina ala: Ang mbei ï ata adesâ hi azigarâ hi Filistê ma sä abo hina. Wani mi de nga abum mbi.

1 Samuel 13:3

Bur tu Jonatan mi tchi ma ngolâ hi azigar suma Filistê suma a nga kaka avo Geba-na; suma Filistê-na pet a huma. Ata yi máma Saul mi sun suma sunda á bu adifa kur andagad’a pet, mi dala: Ar suma Hebre-na a huma!

2 Samuel 8:7

David mi yoï mboriyo suma lora hi azigarâ hi Hadadezer-rîna, mi mbazi Jerusalem.

2 Samuel 10:19

Kid’a amulei suma ad’u Hadadezer-râ a we d’ala Israel-lâ a kus kaziya d’a, a ve banad’a ki Israel-lâ, a ge yazi kä ad’uziya. Suma Siri-na a ar bei ndjun suma Amon-na.

1 Amuleina 4:21

Salomon mi te yam leu d’a ding nga nguyumba pet, tinï ad’ud’a avun alum ma Efrat-na dei gak mba kur ambas sa Filistê-d’a, gak mi yoï hagad’a ki Ezipte. Kid’a mam nga ki iram tua d’a, amulei suma kur ambas ndatina pet a ge yazi kä ad’umu, a nga hum tara mi.

2 Samuel 5:10

David simiyêm nga mi yï avogovogo; Ma didina Alo ma ad’engêm kal petna mi nga ki sed’emu.

2 Amuleina 1:1

Bugol matna hi Ahap-ma, suma Mowap-ma a tchol huneîd’a ki Israel suma a te kazina.

2 Amuleina 3:4

Mesa amul ma Mowap-ma, mi nga ki tumiyôna. Bizad’a tu nga mi he gro tumiyôna 100.000 ki tumiyôna tazid’a 100.000 ki tumuzuzi mamul ma Israel-lâ tara.

2 Amuleina 14:28

Sunda hi Jerobowam mba ara kahle suma mi lazina kad’eng mam mba dur ayîna ki hulong nga mi hulong azì ma Damas-sâ ki ma Hamat-na mi Israel-lîd’a, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

2 Amuleina 18:7

Ma didina mi nga zlapa ki sed’emu. Ahle suma mam lazina pet, mi faziya. Mi tchol huneîd’a kamul ma Asiri-na, mi ge nga yam kä ad’um mbuo d’a.

Sawal la giled’a 60:10

Mowap nangot man nda mbus tanda, Edom ni yima an tchuk atuguru mana kuana. Filistê-na a mba hle sawal la kus ayîna kanu.