2 Samuel 7:2 - Bible azumeina

² Bur tu David mi de mi Natan ma djok vun Alona ala: Gola! An nga kaka kur azì ma a minim kagu sedrenina, wani zandu’â hAlonina mi nga tinda kur zlub’ud’a.

2 Samuel 7:2 Referans Kwoze

2 Samuel 5:11

Hiram amul ma Tir-râ, mi sunï suma gen David kagu sedrena, zlapa ki suma tchet aguna ki suma tchet ahinad’a á min gong nga amula mi David.

2 Samuel 12:1

Ma didina mi sun Natan gen David. Natan mi mba gen David, mi dum ala: Suma mbà azi ni kur azì ma ngol ma tuna, tu ni ma ndjondjoîna, tu ni ma houd’a mi.

Sunda hi suma a sunuzinid’a 7:46

Mam mi ma Alona mi vum sumad’a, mi tchenem á fe yima min gong nga kaka mAlona hi Jakob-ma.

Jean 2:17

Mam suma hata, humazi gazi yam zla d’a a b’irit kur mbaktumba hAlonid’a ala: Alo mana, tan nga d’i lan zlezleû yam gong manga d’a.

Wana ni mbaktumba hi Aze-d’a 1:4

Na ni ata yima gong manda nga b’laka kä woina natchogoi d’a djivid’a kagi agi á kagagi kur aziyagi ma djivina zu?

1 Sunda Hamuleinid’a 29:29

Sunda hamulâ David ta avoka ki d’a dananda, a b’irit nga kä kur Mbaktumba hi Samuel ma mi wahle suma a nga mbana, kur Mbaktumba hi Natan ma djok vun Alonid’a ki D’a hi Gat ma djok vun Alonid’a mi,

1 Sunda Hamuleinid’a 16:1

Ata yima a tin zandu’â hAlonina kur zlub’u d’a David mi minimzi kamba tina, a hahle suma ngat buzu suma ngala ki suma ngat buzu suma zlap darigïd’a mAlona.

Sawal la giled’a 132:5

gak an fe yina yam Ma didina, yima kaka yam Alo ma ad’engâ hi Jakob-ma.

2 Sunda Hamuleinid’a 1:4

Wani zandu’â hAlonina David mi hlumï Kiriyat-Jarim, mi mbam Jerusalem kur zlub’u d’a mam vumzi kamba.

1 Sunda Hamuleinid’a 14:1

Hiram amul ma Tir-râ, mi sunï suma gen David kagu sedrena, suma tchet ahinad’a ki suma tchet aguna á min gong nga amula mi David.

2 Samuel 7:17

Natan mi mba mi väd’u zla d’a Alona mi ndumzi woid’a mi David pet.

2 Samuel 6:17

Ata yima a tin zandu’â hi Ma didinina kur zlub’u d’a David mi minimzi kamba tin na, David mi he he d’a hawa d’a ngala mi Ma didina ki he d’a hawa d’a ngat buzu d’a zlap darigïd’a.

Buzuk ka Abud’a 40:21

Mi mba ki zanduk máma kur zlub’ud’a, mi yo baru d’a ka ira, mi gat akulo á wal ki ir zanduk máma woi d’igi Ma didina mi hum vuna na.

2 Samuel 11:11

Uri mi hulong de mi David ala: Zandu’â hAlonina ki Israel-lâ ki suma Juda-na a sä abagei ad’u zlub’ud’a, salana Jowap ki azigar mama a ve nga anguvora abagei hur fulâ d’ad’ar. Ni nana ba, an kal avo hatan á te á tche á bur kamanda mi ge? Gagazi, ang tang nga ki irangû, an ndak á le vama hina na d’i!

1 Amuleina 1:22

Kid’a Batseba ti dap zla mat ta ded’a mamulîd’a, ma djok vun Alona Natan mi mba hur atranga hamulid’a.

1 Amuleina 8:17

Abun David mi nga hurum á min gonga mi Ma didina Alona hi Israel-lîna irat vad’u.

1 Sunda Hamuleinid’a 22:7

mi dum ala: Gorona, an tan djib’er ala an min gonga ki simiyê Ma didina Alo mana.

2 Sunda Hamuleinid’a 9:29

Sunda hi Salomon-nda ara, d’a avoka ki d’a dananda, a b’irit nga kä kur Mbaktumba hi Natan ma djok vun Alonid’a ki D’a hi Ahiya ma Silona ma djok vun Alonid’a ki Zla d’a a ndat tei mi ma wahle suma a nga mbana Jedo yam Jerobowam Nebat goromid’a mi.

2 Sunda Hamuleinid’a 29:25

Amulâ mi tin suma hi Levi-na kur gong nga kud’ora hi Ma didinid’a ki tchigiyeud’a kading ma nglona kading ma gureina abozi yam vun ma hed’a hi David-na, yam vun ma hed’a hi Gad ma wahle suma a nga mbana hamulîna, yam vun ma hed’a hi Natan ma djok vun Alonina, kayam ni vun ma he ma Ma didina mi hum avun mam suma djok vunina.

1 Amuleina 1:8

Wani ma ngat buzuna Sadok ki Benaya Jehojada goroma ki ma djok vun Alona Natan ki Simei ki Rei ki azigar suma a nga ngom David tambina pet a nga zlapa ki Adoniya d’i.

1 Amuleina 4:5

Azariya Natan goroma ni ma ngol ma avok suma a te yam Israel-lîna; Zabut Natan gorom ma ngat buzuna ni ma de d’alâ mamulîna;

Sawal la giled’a 132:2

Mi gun tam avok Ma didina, mi hle vunam mAlo ma ad’engâ hi Jakob-ma ala: