2 Samuel 6:17 - Bible azumeina

¹⁷ Ata yima a tin zandu’â hi Ma didinina kur zlub’u d’a David mi minimzi kamba tin na, David mi he he d’a hawa d’a ngala mi Ma didina ki he d’a hawa d’a ngat buzu d’a zlap darigïd’a.

2 Samuel 6:17 Referans Kwoze

2 Sunda Hamuleinid’a 1:4

Wani zandu’â hAlonina David mi hlumï Kiriyat-Jarim, mi mbam Jerusalem kur zlub’u d’a mam vumzi kamba.

1 Sunda Hamuleinid’a 15:1

David mi min gongîyona kur aziyam ma ngolâ, mi min yina yam zandu’â hAlonina, mi ve zlub’ud’a kam mi.

Sawal la giled’a 132:8

Ma didina, ang tchol akulo, ang mbeï ata yang ma tuk tad’a ki zanduk mang ma ad’eng manga nga kuana.

1 Amuleina 8:5

Ata yi máma amulâ Salomon ki Israel-lâ pet a tok a ngui zandu’â kä, a ngat aho’â kamuzleina buzuna mAlona ablawazi kal ngola á ndumba memeta.

2 Sunda Hamuleinid’a 5:6

Ata yi máma amulâ Salomon ki Israel-lâ pet a tok ngui zandu’â kä, a ngat aho’â kamuzleina buzuna mAlona ablawazi kal ngola ndak á ndumba memeta.

1 Sunda Hamuleinid’a 16:1

Ata yima a tin zandu’â hAlonina kur zlub’u d’a David mi minimzi kamba tina, a hahle suma ngat buzu suma ngala ki suma ngat buzu suma zlap darigïd’a mAlona.

Sunda hi suma hi Levi-nid’a 3:9

Ata vama ngat buzu ma mam hum mi an Ma didina ma ngal ma zlap darigï máma, mi yo mbulâ, andjau d’a ngad’ad’ï avun angorîd’a ki zlat pet, mbul ma yam aruwatnina ki mbul ma atama pet,

1 Sunda Hamuleinid’a 6:31

Wana ni suma David mi tinizi á hle sawala kur gong nga kud’ora hi Ma didinid’a ata yima a tin zandu’â kä kua ki iram fafatna.

1 Sunda Hamuleinid’a 15:3

David mi tok Israel-lâ pet avo Jerusalem á hleï zandu’â hi Ma didinina ata yima mi minimzi kama.