2 Samuel 6:14 - Bible azumeina

¹⁴ David nga mi lü avok Ma didina kad’engêm pet ki baru d’a efo d’a luluîd’a djinda furum mi.

2 Samuel 6:14 Referans Kwoze

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.

Buzuk ka Abud’a 15:20

Miriyam mba djok vun Alona Aron wiyemba, ti hleï daliyâd’a abod’u; aropma pet a buzuk blogot ki daliyâ mazid’a, a nga lü ndjongâ.

Sawal la giled’a 150:4

Agi gilegizi ki daliyâd’a ki ndjongâ, agi gilegizi kadingâ ki taulâd’a.

Sawal la giled’a 149:3

Ar a gilem simiyêm ki ndjongâ, ar a hle sawala á gilem ki daliyâd’a kadingâ mi,

Suma ka sariyad’a 11:34

Jefte mi hulongî mi mba avo hatam Mispa. Gol wani, goromba ti ndeï á d’ugulom ki daliyâd’a abod’u, ti nga d’i lü djongâ. Ndat nabom vat tu, gorom ma ding nga d’i.

Kolos-sâ 3:23

Sun nda lara ge pet ta agi nga lata, agi lagizi ni ki hur ma tuna yam Salad’a, nga ni yam suma d’i.

Sawal la giled’a 30:11

Ma didina, ang humunu, ang wan hohowonu; Ma didina, ang ndjununu!

1 Samuel 2:28

Aduk andjaf Israel-lâ pet, an man abung ngolo Aron á mbut man ma ngal ahle suma ngat buzuna, á he he d’a hawad’a yam yi man ma ngal ahle suma ngat buzuna, á ngal dubang ma his djivid’ina, á tchuk baru d’a efod’a avoronu. An hahle suma ngat buzuna pet Israel-lâ a nga hazina mandjavamu.

Wana ni Zla d’a Djivi d’a Luc mi b’irita 15:25

Gorom ma ngolâ sä abagei kur asinena. Kid’a mi mba go kazinid’a, mi hum dela hadingid’a ki luna.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

1 Sunda Hamuleinid’a 15:27

David mi tchuk baru d’a ngol la luluîd’a atamu, zlapa ki suma hi Levi suma hle zandu’â ki suma hle sawala ki Kenaniya ma avok suma hle sawalina mi. David mi nga ki baru d’a efo d’a luluîd’a atam mi.

1 Samuel 22:18

Ata yi máma amulâ mi de mi Dowek ma Edom-ma ala: Ang mbut irang ang tchi suma ngat buzu ndazina woyo. Mi mbut iram mi tchazi mi, mi tchi suma a tchuk baru d’a efod’a atazina kur bur máma ni dok klavandi yam vahl.

Suma ka sariyad’a 21:21

agi gologi yina. Ata yima gro arop suma Silo-na a mba buzugï woi á lü djongîna, agi buzugugï woi aduk asine ma guguzlud’a, nge nge pî mi hle gor atchad’a tutu á atchad’a, mi i ki sed’et yam ambasa hi Benjamin-nda.

Gat ta a hat á mbàd’id’a 6:5

Ang le yam Ma didina Alo mangâ ki hurung pet ki tang pet kad’engêng pet mi.

Buzuk ka Abud’a 19:6

Agi mba mbud’ugi ni leu man nda ngat buzuna, andjaf ma a tinim iram vama mi. Wana ni zla d’a ang i dat mi Israel-lîd’a.

Buzuk ka Abud’a 15:21

Miriyam ti hulong dazi ala: Agi hlagi sawala á gilegi Ma didina, kayam me mi tak ad’eng mam mba kal teglesa woi abua, mi tchuk akulumeina ki suliyozina kä kur alum ma ngolâ.

2 Samuel 6:15

David ki Israel-lâ pet a hleï zandu’â hi Ma didinina ki furîd’a kaduveina bud’a kazi wü.

2 Samuel 6:20

David mi hulong avo hatam á b’e vunam yam sum mama. Mikal Saul goromba, ti ndeï ti ngavamu, ti dum ala: Ni subur ra me ini kang ang amul ma Israel-lâ hina ba, ang nga lü avok yuguneina hazungeî mangâ barud’a fel lei atang d’igi sama hawana na ge!

Sawal la giled’a 87:7

Suma hle sawala ki suma lü ndjongâ a nga dala: Djivi manda pet ti tcholï ni kuruk ndak Siyon!

Ezekiyel 46:10

Ata yima suma a kal krovona, amulâ mi kal krovo mi; ata yima suma a buzuk keina, amulâ mi nde woi ki sed’ezi mi.