2 Samuel 5:7 - Bible azumeina

⁷ Wani David mi kus yam azì ma ad’eng ma ngungu ma Siyon-na; yi máma mi arî Azì ma ngolâ hi David-na.

2 Samuel 5:7 Referans Kwoze

1 Amuleina 2:10

David mi mit mi i azulei kä ad’u abuyom ngolo. A tozom kur Azì ma ngolâ hi David-na.

2 Samuel 6:16

Ata yima a kal zandu’â hi Ma didinina avo kur Azì ma ngolâ hi David-nina, Mikal Saul goromba ti gol ir fenetred’a, ti wamulâ nga mi gal akulo ki ndjongâ. Ata yi máma ti golom is kurut krovo.

2 Samuel 6:12

A mba de mamulâ David ala: Ma didina mi b’e wa vunam yam Obet-Edom ki sum mama pet, kayam zandu’â hAlonina mi nga avo hatamu. Ata yi máma David mi i hleï zandu’â hAlonina avo hi Obet-Edom dei, mi mba ki sed’em kur azì mam ma ngolâ ki furîd’a gandjau.

Vama ndum mbeina 14:1

An we Gor timina mi nga tchola yam ahina d’a Siyon-nda. Suma a nga ki sed’em dudubud’a kis yam dudubud’a dok fid’i yam dudubud’a fid’i mi, ni suma simiyêm ki simiyê Abum a nga b’ira avorozina.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Romê-na 9:33

d’igi a b’ir kur mbaktumba hAlonid’a na ala: Gola! An nga ni tin ahina d’a dap asema kur Siyon, nahina d’a ti puguzi kä d’a mi. Wani sama he gagazid’a katna, zulona mba mi lum mbi.

Mise 4:2

Suma ablau ndazina a mba i kua, a mba dala: Agi mbeyegïya. Ei i djagei akulo yam ahinad’a hi Ma didinid’a kur gong nga kud’ora hAlona hi Jakob-mid’a, kayam mi had’ei gat mamba. Ar ei tid’i kur lovot mam mba mi tageizid’a. Kayam Gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Isai 59:20

Ma didina mi dala: Ma wurak yam suma nga mi djï kur Siyon yam suma hi Jakob suma a ar tcho mazid’a woina.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Sawal la giled’a 132:13

Kayam ndata, Ma didina mi man Siyon, hurum minit á kak kuru.

Sawal la giled’a 87:2

Mi min azì ma Siyon-na kal yima kak ma dingâ handjafâ hi Jakob-mina pet.

Sawal la giled’a 51:18

Kayam tang nga d’i lang djivid’a yam vama ngat buzu ma an nga ni hangzina d’i, tang nga d’i lang djivid’a yam vama ngat buzu ma ngala d’uo mi.

Sawal la giled’a 48:12

Kayam sariya mang nga kad’a suma Siyon-na a le furîd’a, suma kur azì ma Juda-na a aî ki hur ma hapma mi.

Sawal la giled’a 9:11

Ma didina, suma a wang simiyêngâ, a nga deng tazi atangû, kayam ang nga ar suma a halangâ woi d’i.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

2 Sunda Hamuleinid’a 24:16

A tozom kur Azì ma ngolâ hi David-na zlapa kamuleina, kayam mi le djivid’a ki Israel-lâ, mi le djivid’a avok Alona ki gong mam mba kud’ora mi.

2 Sunda Hamuleinid’a 5:2

Ata yi máma Salomon mi yi nglo suma Israel-lâ kamuleina handjaf sumina ki suma nglo suma avok Israel-lîna á togï gevem avo Jerusalem á hleï zanduk ma vun ma djinda hi Ma didinina mi nga kuana ei kur Azì ma ngolâ hi David ma a yum ala Siyon-na.

1 Sunda Hamuleinid’a 11:7

David mi kak kur azì ma ad’eng máma. Ni kayam ndata ba, a yum ala Azì ma ngolâ hi David-na.

1 Amuleina 8:1

Ata yi máma Salomon mi yi nglo suma Israel-lâ kamuleina handjaf sumina ki nglo suma avok Israel-lîna á togï gevem avo Jerusalem á hleï zanduk ma vun ma djinda hi Ma didinina mi nga kuana ei kur Azì ma ngolâ hi David ma a yum ala Siyon-na.

1 Amuleina 3:1

Amulâ Salomon mi ve Faron amul ma Ezipte-na goromba. Ni kayam ndata ba, mam zlap ki Faron, mi mba katcha ndata kur Azì ma ngolâ hi David-na á djup dabid’a hi minda hazì mam ma amula ki gong nga kud’ora hi Ma didinid’a ki gulumun ma ngui Jerusalem-ma mi.

2 Samuel 6:10

Mi min ala zandu’â hi Ma didinina mi kal abo hatam kur aziyam ma ngolâ d’i. Mi hlumza vunam mbei avo hi Obet-Edom ma Gat-na.

2 Samuel 5:9

David mi ar kaka kur azì ma ad’eng ma ngungu máma, mi yum ala Azì ma ngolâ hi David-na. Mi nguyum mbei ki gulumun ma minda, tinï ad’ud’a bugol Milo dei gak krovo mi.

2 Samuel 5:8

Kur bur máma David mi dala: Nge nge pî ma min dur Jebus-sâ, mbeî mi kalî kur b’irlim ma djang mbina kä ad’u andagad’ina á tchi suma duka ki suma dileî suma an David ni noyôzina woyo! Ni kayam ndata ba, a nga dala. Suma duka ki suma dileîd’a a mba kal kur gong nga kud’ora hi Ma didinid’a d’i.

1 Amuleina 9:24

Faron goromba ti tcholï kur Azì ma ngolâ hi David-na, ti i kur azì ma amul ma Salomon mi minittchina. Ata yi máma Salomon mi min yima a yum ala Milo-na.

Jeremi 21:13

Ma didina mi dala: Agi suma Jerusalem suma nga kaka akulo yam ahina d’a yat papana d’a kal hora akulod’ina, an nga ni dur ki sed’egiya. Agi suma nga dagi ala: Ni nge mba mi tchugï asem kä á duri d’oze mi kal ata yi mei ma domina ge na, an nga ni dur ki sed’egiya.

Nehemi 3:15

Salum Kol-Hoze gorom ma te yam andaga d’a Mispa-d’ina, mi min vun agrek ma iza ata mbiyo ma laud’ina, mi b’al aguna kua, mi minim yamu, mi b’al bapma avunamu, mi dugum akulo, mi wat kaweina latana kua mi. Bugola, mi min gulumuna hapo d’a Silowe-d’ina go kasinena hamulîna, gak mbaza ata yima djak akulo ma tcholï kur Azì ma ngolâ hi David-na mi i kä na.

Sawal la giled’a 48:3

Nahina d’a djif fa suma yam andagad’ina pet a nga le furîd’a kata. Siyon nahina d’a nga abo ma norîd’a, nazì ma ngolâ hamul ma ngolîna.