2 Samuel 5:1 - Bible azumeina

¹ Andjaf Israel-lâ pet a mba gen David avo Hebron, a dum ala: Ami ni simiyêngû, ami ni hliwing mi.

2 Samuel 5:1 Referans Kwoze

Efes-sâ 5:30

kayam ei ni ir hliu tamu.

2 Samuel 19:13

Agi i dagi Amasa ala: Angî asogon ki hliwin nduo zu? Le an vragang nga ma ngolâ hi azigarîna balum Jowap puo ni, Alona mi mban ndak ka ngol la kanu.

Ad’u Tinda 29:14

Laban mi de mi Jakob ala: Gagazi, angî aruwad’ana, angî hliwinu. Jakob mi kak avo hi Laban tilâ sop.

Hebre-na 2:14

Gro ndazina ni suma ki hliuna ki buzunina. Kayam ndata, Jesus tamba mi mbut tam d’igi azi na. Mi le hina ki mad’am á b’lak Diable ma nga kad’enga hi matnid’a aboma woyo,

Suma ka sariyad’a 9:2

Agi dagi mi suma nglo suma Sikem-ma pet ala: Na ni ni djivid’a tala Jerubäl grom suma dok kid’iziyana a tamula kagi ki zla tazi ped’u d’a zu? D’oze sama tuna mi tamula kagi ni mam zu? Agi djib’eregiya, an ni hliwigiya!

Gat ta a hat á mbàd’id’a 17:15

agi tinigi ni sama Ma didina Alo magina tamba mi manama. Agi tinigi ni wiyegi ma Israel-lâ, agi tinigi andjaf ma ding kagi d’i.

Josue 10:36

Josue azi ki azigar suma Israel-lâ a tchol Eglon, a i gak Hebron, a ndazì máma durâ.

2 Samuel 19:12

Agi ni b’oziyoma, agi ni asogom ki hliwimu. Ni kayam me ba, agi ni suma danana á hulongômï avo ge?

2 Samuel 19:43

Israel-lâ a de mi suma Juda-na ala: Amulâ David ni mamina kalagi agiya, kayam mam naduk andjaf mami ma dogona. Ni kayam me ba, agi golomi is ke? Ni ami ba, dami avok yam zla d’a ala: Ei hulongî amulâ avo d’a d’uo zu? Wani suma Juda-na a de zlad’a ki hur ma zala kal Israel-lâ.

2 Samuel 2:32

A hleï Asayel, a tozom kur zula habumba avo Betelehem. Jowap azi ki sum mama a tit andjege gak a mba Hebron yina foziya.

2 Samuel 19:14

Zlad’a hi David-ta ti mbut hur suma Juda-na tu d’igi hur sama tuna na. A ge sunda a dum ala: Ang mbeï kazungeî mangâ pet.