2 Samuel 4:8 - Bible azumeina

⁸ a mbaza ki yam Isebäl mi David avo Hebron, a dum ala: Amulâ, ang gol yam Isebäl Saul goroma wana. Mang ma djangû ma min á tchangâ, Ma didina mi hle ini atchugula salana amul mana ki Saul azi kandjavamu.

2 Samuel 4:8 Referans Kwoze

1 Samuel 25:29

Le sa hle yam akulo á diging á tchangû ni, Ma didina Alo mangâ mba mi ngomong ata yima ngeid’a gevem aduk suma. Wani mba mi dur mang suma djangûna sä woi hina dei d’igi sana mi dur sana ki mbiud’a na.

2 Samuel 22:48

Angî ma san atchuguluna, angî ma hulong andjaf suma yazi kä ad’una.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?

Matiye 2:20

Ang tchola, ang yo gorâ azi kasumu, ang hulong yam andaga d’a Israel-la, kayam suma a nga hal gorâ á tchid’ina a bo wa d’a.

Sawal la giled’a 71:24

An mba ni gileng kur burâ kaf yam d’ingêr manga; suma a nga hal á lan tchod’ina, a mbut zulona, a mang ngei mi.

2 Samuel 18:31

Gol wani, ma Etiyopi-na mi mba, mi de mamulâ ala: Salana, amul mana, ar ang hum zla d’a djivid’a! Ini Ma didina mi kang wa sariya manga, mi hang wa suma a kak djangûna ki sed’engâ pet abongû.

2 Samuel 18:19

Ahimas Sadok goroma mi de mi Jowap ala: Aran an ring gen amulâ, ni dum zla d’a djivid’a ala Ma didina mi kam ini sariya mamba, mi prud’um mbei abo mam suma djangûna da’.

1 Samuel 24:4

Mi mbaza avun kangâna hi tumiyôna ma nga go avun lovotina. Zul ahinad’a nga kua, mi kal kua á ö bageid’a. Wani David ki sum mama a nga kaka sä azud’u.

1 Samuel 23:15

David mi wala Saul nga mi halam á tchid’a. Mi nga ngeid’a abagei aduk agud’a hur ful ma Zif-fâ.

1 Samuel 20:1

David mi tchol ringâ avo Nayot go ki Rama, mi i mi fe Jonatan, mi dum ala: An le ni me ge? Tcho manda ni me ge? Tcho d’a an lat avok abunga ni me ba, mi halan á tchid’a ge?

1 Samuel 19:15

Saul mi hulongôzï ala a i golomu, mi dazi ala: Agi hlandji kazang mama, kayam an tchumu.

1 Samuel 18:11

Saul mi hlabom akulo kasapa nga mi pigid’ed’u, mi de kurum ala: An ngruvum asapa atam huyok gonga. Wani David mi fut abom fufut yam mbà.

2 Samuel 2:8

Wani Apner Ner goroma, ni ma ngolâ hi azigarâ hi Saul-lîna, mi hle Isebäl Saul goroma, mi i ki sed’em avo Mahanayim.

1 Samuel 19:1

Saul mi de mi goroma Jonatan azi kazungeî mama pet ala a tchi David teyo. Wani Saul goroma Jonatan hurum ve David heî.