2 Samuel 3:35 - Bible azumeina

³⁵ Ablaud’a pet a tchi horâ yam Apner tua. Kid’a afata nga bei nika tua d’a, ablaud’a pet a mba á he David tena. Wani David mi gun tam ala: Le an djuk tena d’oze vama lara bei afata niga ni, ar Alona mi mban ndak ka ngol la kala kanu!

2 Samuel 3:35 Referans Kwoze

2 Samuel 12:17

Suma nglo suma avo hatama a mba gevemu, a dum ala mi tchol mi bur akulo kö, wani mi min ndi, mi min te tena ki sed’ezi d’uo mi.

2 Samuel 1:12

A tin Saul tchina, a tchimu, a d’el tazi bei te tena gak fladege yam Saul azi ki goroma Jonatan, yam suma hi Ma didina suma avo Israel suma a tchazi avun ayînina mi.

Jeremi 16:7

A mba fe sama b’rau tena mi suma a nga ki yor tad’ina á b’lengêzi huruzi d’i, d’oze a mba fe sama he süm guguzlud’a mi suma abuyozi a bona d’oze asuyozi a bona á b’lengêzi huruzina d’uo mi.

Wana ni mbaktum mba a b’irit yam Rut-ta 1:17

Ata yima ndak mit kuana, an mba ni mit kua, ni kua ba, a mba tozon mi. An nga ni wal ki sed’ek ki. Matna mi walei ni mam mbeî. Le an wal ki sed’egu ni, ar Alona mi mban ndak ka ngol la kala kanu.

Ezekiyel 24:17

Ang oî ni kä kurung krovo, ang yor tang yam matna d’i, ang d’ut kadamul manga kangû, ang tchuk atuguru mangâ asengû, ar ang d’ut dudumang ngei d’i, ar ang tavu ma a yum yam matnina d’uo mi.

Suma ka sariyad’a 20:26

Israel-lâ pet kablau suma pet a mba Betel, a kak kua avok Ma didina, a d’el tazi bei te tena gak fladege, a hum he d’a hawa d’a ngala ki he d’a hawa d’a ngat buzu d’a zlap darigïd’a mi.

Ezekiyel 24:22

Ata yi máma agi mba lagi d’igi Ezekiyel mi le na. Agi mba d’ud’ugi dudumagi woi d’i, agi mba tagi avu ma a yum yam matnina d’uo mi.

2 Samuel 3:9

Le an le nga ki David d’igi Alona mi gunum tam na d’uo ni, ar Alona mi mban ndak ka ngol la kala kan an Apner.

1 Samuel 3:17

Eli mi djobom ala: Ma didina mi dangâ na ge? Ang ngeyen va d’i. Le ang ngeyen vama mam dangzina kä ni, Alona mi mbang ndak ka ngol la kala kangû.

2 Samuel 3:34

Abong nga djinda d’i, aseng nga djinda ki kidjingâ d’uo mi. Ni nana ba, ang puk kä d’igi sana mi puk kä avok suma bei d’ingêrâ na ge?

2 Samuel 3:36

Suma pet a we a dala: Gagazi, zla d’a amulâ mi lata nata yad’u, kayam suma pet a we teteu ala zla d’a amulâ mi lata pet nata yad’u.

Suma ka sariyad’a 20:23

Israel-lâ a i tchi avok Ma didina gak fladege, a djobom ala: Na ni ami i durumi b’oziyomi suma hi Benjamin-na kua zu? Ma didina mi hulong mi dazi ala: Agi i durugiziya!

1 Sunda Hamuleinid’a 10:12

andjof suma gangrangâ pet a tchol a i yoï mad’a Saul azi ki groma, a mbazi Jabes. A tozizi asogozi ad’u agu ma ngol ma Jabes-sâ, a d’el tazi bei te tena gak burâ kid’iziya.