2 Samuel 24:17 - Bible azumeina

¹⁷ Ata yima David mi we malaika ma nga mi tchi sumina, mi de mi Ma didina ala: Gola! Ni an ba ni le tchod’a! Ni an ba ni so vuna! Wani sum ndazina a le ni me ge? Ar ang ngobon ni an ki sum mana.

2 Samuel 24:17 Referans Kwoze

Sawal la giled’a 74:1

Ni sawal la gile d’a Asaf mi hlata. Alo mamina, ni kayam me ba, ang arami woi ki irang hina fafat ke? Ni kayam me ba, hurung zal ata ami tumiyô mang suma ang nga polomina na ge?

2 Samuel 24:10

David mi we tcho mamba kayam ndum mba mi ndum sumid’a, mi de mi Ma didina ala: Kid’a an le hina d’a, an le ni tcho d’a ngola! Ki tchetchemba, Ma didina, ang vat hurung ngei yam tchod’a hi an azong mangîd’a, kayam an le ni sun nda lilid’a.

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Sawal la giled’a 44:11

Ang dadagami kazigami avok mami suma djangûna; suma a noyômina a hurumumi ahle mamina mi.

Wana ni mbaktumba hi Job-pa 7:20

Ang ma ngom sumina, le an le tchod’a ni, an ndaga ni lang me ge? Ni kayam me ba, ang mbud’un va ma ang d’ingêrem á dur kahlenina ge? Ni kayam me ba, an mbut va ma ane’â yam an tanda ge?

1 Amuleina 22:17

Ata yi máma Mise mi dum ala: An we Israel-lâ pet a b’rau woi yam ahinad’a d’igi tumiyô suma bei salazi ma pola ba na na. Ma didina mi dala: Azi nga kamul li. Ar nge nge pî mi hulong avo hatam ki halasa!

Ad’u Tinda 44:33

An nga ni tchenengû, ar an mbut magom mangâ balum gor máma, ar mam i ki b’oziyoma.

Ad’u Tinda 18:23

Abraham mi hut gevemu, mi dum ala: Na ni ang mba b’lak suma d’ingêrâ woi zlapa ki suma tchona zu?

2 Samuel 7:8

Ki tchetchemba, ang i de mazong mana David ala: An Ma didin ma ad’engên kal petna ni dala: Ni an ba ni vangî ata yima pol tumiyôna á tining amula yam man suma Israel-lâ.

Jonas 1:12

Mi hulong dazi ala: Agi hlan gan ndei alumu, aluma mba mi tchola. An wala ni yam an ba, simet ma ngolâ mi tchol ki sed’egi wana.

Buzuk ka Abud’a 10:16

Faron mi yï Moise azi ki Aron atogo zak, mi dazi ala: An le tchod’a avok Ma didina Alo magina, an le tchod’a avogogi agi mi.

Ndumba 16:22

Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?

2 Samuel 12:13

David mi de mi Natan ala: An le tchod’a avok Ma didina! Natan mi de mi David ala: Ma didina nga mi vat hurum mbei yam tcho manga, ang mba mit ti.

Sawal la giled’a 32:5

An dang wa tcho manda woyo, an ngei nga tcho manda kä d’uo mi, an dala: An mba ni de woi yam tchila manda avor Ma didina; kayam ndata, ang hlan wa aneka hi tcho mandid’a woi kanu. Tchol ndjö

Sawal la giled’a 78:71

Mi vumï woi ata yima nga mi pol tumiyônina, kayam mi mbut ma pol sum mama andjafâ hi Jakob-ma, Israel sumala ni djo mama na.