2 Samuel 23:18 - Bible azumeina

¹⁸ Abisai Jowap wiyema Seruya gorotna ni ma ngolâ hi grang suma dok hindina. Ni ma mi tchi suma kasap mamba yam tu kikisa hindina; simiyêm mi yï aduk grang suma dok hindina.

2 Samuel 23:18 Referans Kwoze

2 Samuel 10:14

Kid’a suma Amon-na a we suma Siri-na a wet ringâ hina d’a, a wet ringâ avok Abisai mi, a tchuk avo hataziya. Kid’a Jowap mi durï suma Amon-na dura, mi hulongî Jerusalem.

2 Samuel 10:10

Suma a arâ mi hazi abo wiyema Abisai, mi ndjarazi ir suma Amon-na.

2 Samuel 18:2

David mi wal suma dur ayîna adesâ hindi, mi tin Jowap yam ma hina, mi tin Abisai Seruya gorot ma Jowap wiyemina yam ma hina, mi tin Itai ma Gat-na yam ma hina mi. Mi dazi ala: An tan ni i dur ayîna ki sed’egi mi.

1 Sunda Hamuleinid’a 2:16

B’oziyozi suma aropma ni Seruya ki Abigayel. Seruya grotna ba wana: Abisai, Jowap ki Asayel. Azi pet ni hindi.

2 Samuel 20:10

Amasa mi ngom nga tam yam mbigeu d’a fiyak ka nga abo Jowap-pa d’i. Jowap mi pum mbigeu mam mba fiyaka kurumu, mi zugum aruwad’am kä woi andaga. Amasa mi mit bei Jowap mi tchogom yam á mbàd’a ba. Jowap azi ki wiyema Abisai a nde dik Seba Bikri goroma.

2 Samuel 3:30

Ni hina ba, Jowap azi ki wiyema Abisai a tchi Apner, kayam mi tchazi wiyezina Asayel avo Gabawon ata yima ayîna.

2 Samuel 2:18

Ata yi máma Seruya grot suma hindina a nga kua, nala, Jowap, Abisai ki Asayel. Asayel mi ringî d’igi duka na.

2 Samuel 23:19

Subur mamba kal suma dok hindina; ni hina ba, a tinim ngol mazid’a, wani mi ndak nga ki suma hindi suma avok ndazina d’i.

Ma tchi wala 4:12

Sana mi ndak á kal yam sama vam tuna, wani mi ndak á kal yam suma mbàna d’i. Ziyo ma a dogom hindina nga mi tchal atogo d’uo mi.