2 Samuel 21:7 - Bible azumeina

⁷ Amulâ David mi keng Mefibäl Jonatan gorom ma Saul gorom ngolonina woyo, kayam gun nda azi gun tazi avok Ma didina ki Jonatan ma Saul goromina.

2 Samuel 21:7 Referans Kwoze

2 Samuel 4:4

Jonatan Saul goroma goroma nga, a yum ala Mefibäl. Kid’a a hum zla matna hi Saul azi ki Jonatan-na avo Jisreyel-lâ, bizamî vahl. Atcha d’a hum tenid’a, ti hlum á ring ki sed’emu. Ata yima nga d’i b’at tat á ringîna, mi nde kä abod’u, mi mbut gugutud’a.

1 Samuel 23:18

Azi djak a djin vunazi avok Ma didina. David mi ar kaka aduk agud’a; Jonatan mi hulong avo.

1 Samuel 20:15

Le Ma didina mi dap mang suma djangûna woi yam andagad’a pet pî, ang ar djivi mang nga kanda woi yam andjavan ndi.

1 Samuel 18:3

Wani Jonatan azi ki David a djin vunaziya, kayam Jonatan mi le kam d’igi mam tamba na.

2 Samuel 9:10

Ang ki grongâ kazungeî mangâ, agi zumum asinena, agi dud’um awuna, ang he tena mi Mefibäl salangâ Saul gorom ngolona. Mefibäl salangâ gorom ngolona mba mi te tena ki sed’en yam tabul mana teteu. Wani Siba groma ni dogo yam vahl, azungeî mama ni dok mbà mi.

1 Samuel 20:8

Ang tak djivi manga woi mi an azong mangâ, kayam ang djin vunang ki an azong mangâ ki simiyê Ma didina. Le an le vama tcho ni, ni ang tanga ba, tchanu. Ni kayam me ba, ang in mabung mbeî ge?

1 Samuel 20:42

Jonatan mi de mi David ala: Ang i lafiya! Ki tchetchemba, ei djak guni wa tei ki simiyê Ma didina ala ar Ma didina mi kak glangâsâ adigeya, aduk andjavan kandjavang mi gak didin.

1 Samuel 20:17

Jonatan mi gun tam avok David kua, kayam mam hurum vum heî, kayam mam le kamî d’igi mam tamba na.

2 Samuel 19:25

Kid’a mi mba avok amulâ avo Jerusalem-mba, amulâ mi dum ala: Mefibäl, ni kayam me ba, ang i ki sed’en nduo ge?

2 Samuel 16:4

Amulâ mi de mi Siba ala: Gola! Ahlena hi Mefibäl-lâ pet a arî mangâ. Siba mi dala: An grif kä avorongû, salana, amul mana. Ar ang van atang ki djivid’a!

2 Samuel 9:7

David mi dum ala: Ang le mandar ri. An min lang djivid’a yam abung Jonatan, an nga ni hulongông siliud’a habung ngolo Saul-la pet. Vama kalâ, ang mba te tena ki sed’en yam tabul mana burâ ki burâ.

1 Samuel 20:12

Jonatan mi de mi David ala: Ma didina Alona hi Israel-lîna ni glangâs mana, an mba ni hal hur abun avin ndoze siyâ aboi na hina dedege, le mi nga hurum djivid’a kangû, le an sun nga sa á dang nguo ni,

2 Samuel 9:1

Bur tu David mi dala: Sama ad’u andjafâ hi Saul ma nga ki irama nga zu? An min lum djivid’a yam Jonatan.

Ma tchi wala 8:2

An nga ni dangû, ang ngom vun ma hed’a hamulîna, kayam gun nda ang gunum tang avok Alonid’a.

1 Samuel 24:22

Ki tchetchemba, ang gunun tang avok Ma didina ala ang mba b’lagan andjavan ma blogona woi d’i, ang mba tchan simiyên ndei aduk sum mana d’uo mi.

2 Samuel 9:6

Mefibäl Jonatan gorom ma Saul gorom ngolonina, mi mba gen David, mi ge tam kä andaga, mi grif kä. David mi yum ala: Mefibäl! Mi humum ala: An azong mangâ wana.