2 Samuel 21:14 - Bible azumeina

¹⁴ A tos asoga Saul ki asoga goroma Jonatan kasoga suma a gabazi akulo ndazina kur ambas sa Benjamin-nda avo Sela, kur zula hi Saul abum Kis-sa. A lahlena pet suma amulâ mi he vuna kazina. Ni hina tua ba, Alona hurum vat tei yam suma kur ambasina.

2 Samuel 21:14 Referans Kwoze

2 Samuel 24:25

David mi min yima ngal ahle suma ngat buzuna mi Ma didina, mi he he d’a hawa d’a ngala kahle suma ngat buzu suma zlap darigïd’a mi. Ata yi máma Ma didina hurum b’leng ngei yam suma kur ambas sa Israel-lina; tugud’ei d’a tcho d’a tchi mat ndata ti ar Israel-lâ bei tchid’a mi.

Josue 18:28

Sela, Elef, Jebus sa a yat ala Jerusalem-mba, Gibeya ki Kiriyat. Azì ma nglona ni dogo yam fid’i kazì mazi ma gureina mi. Wana nandaga d’a a hat djona mandjafâ hi Benjamin-na ad’u adezezi ad’u adezezid’a.

Josue 7:26

Bugola, a mol ahinad’a kamu; ahina ndata nga gak ini. Ni kayam ndata ba, a nga yi yi máma ini ala hor ra Akor-ra. Bugol ahle ndazina, Ma didina hurum b’lengâ.

Zakari 6:8

Malaikana mi yanu, mi dan ala: Suma a i irazi abo ma yam ambas sa abo ma norîd’a, a i tin nayî mana yam suma kur ambas sa abo ma norîd’a.

Jonas 1:15

Azi hle Jonas, a gum mbei kur aluma. Ata yi máma na wat aluma ba sulula.

2 Samuel 4:12

David mi he vuna mi azigar mama ala a tchaziya. A ngad’azi abozi kasezi woyo, a b’alazi akulo avun apo d’a Hebron-nda. A hle yam Isebäl, a tozot kur zula hi Apner-ra avo Hebron.

2 Samuel 3:32

A tos Apner avo Hebron; amulâ David nga mi tchiya, suma pet a tchi mi.

1 Samuel 10:2

Ata yima ang wal ini ki sed’en wana, ang mba ngaf ini ki suma mbà yam andaga d’a Benjamin-nda, go ki Selsa yam asud’a hi Rachel-la. Azi mba dang ini ala: Koro d’a ang halata a fat wa. Abung nga mi djib’er kat tuo d’a, wani nga mi djib’erî kayam angû, mi nga dala: An le ni nana ba, ni fe gorona ge?

Ndumba 25:13

Vun ma djin máma mi arî kam kandjavam ma a mba vud’um bugolâ, a mba ka’î suma ngat buzuna gak didin, kayam mam tak yungôr mama woi yam an Alo mama, kayamba mi zlup yam tchod’a hi Israel-lîd’a.

2 Samuel 21:13

David mi yoï asoga Saul kasoga goroma Jonatan, mi yoï asoga suma a gabazi akulo ndazina mi.

Ndumba 25:8

mi i ad’u ma Israel-lâ krovo kur zlub’u mamba, mi tchogom katcha ndata huyogozi ki zla tazi djak. Ata yi máma tugud’ei d’a tcho d’a tchi matna ti ar bei tchi Israel-lâ.