2 Samuel 2:27 - Bible azumeina

²⁷ Jowap mi hulong dum ala: Alona ni Ma bei matna! Ladjï ang dan hina d’uo ni, sum mana a mba ar b’oziyozina bei dika d’uo gak yina fö.

2 Samuel 2:27 Referans Kwoze

Zla d’a d’ogolâ 17:14

Tin ad’u yalâ ni d’igi ang ngo ni ir mbina kä woi na; kayam ndata, ang hut tang ngei avok ka bei huneîd’a tchola.

2 Samuel 2:14

Apner mi de mi Jowap ala: Ar azungeîna a tchol akulo, a to tazi avoreya. Jowap mi hulong dum ala: Ar azi tchola!

Isai 47:7

Ndak dala: An mba ni ka’î d’a kal teglesa hina gak didin! Ndak djib’er nga yam ahle suma a lena d’i, ndak nga djib’er yam ahle suma a nga mbana d’uo mi.

Zla d’a d’ogolâ 25:8

Ang kal tang ata yima ka sariyad’a atogo zak ki. Le ndrangâ mi mbud’ung wa zulona ni, ang mba le ni nana ge?

Zla d’a d’ogolâ 20:18

Nga hurâ mi ndak memet nata d’al ma ded’a. Nata d’al ma ded’a ba, ang dur ayî ma djivina ata lovod’om mi.

Zla d’a d’ogolâ 15:1

Zla d’a a hulongôt ded’a ki del la djivid’id’a, ti ve vun ayîna kä, wani zla d’a de d’a tchod’a ti tcholî ayîna akulo.

Wana ni mbaktumba hi Job-pa 27:2

Alona ni Ma bei matna, ni mam ba, mi noî á kan sariya manda, ni Ma ad’engêm kal petna ba, mi b’lagan muzuganu.

1 Samuel 25:26

Ki tchetchemba, salana, gagazi Ma didina ni Ma bei matna, ang tang nga ki irang mi; ni Ma didina ba, mi d’eleng á tchi matna, á mbud’ung d’ingêr. Ma kal teglesâ, ar mang suma djangû suma a hal á lang tchod’ina, a mbut ni d’igi Nabal na.

2 Samuel 2:26

Apner mi djop Jowap ala: Ei mba tchi tei hina gagak kang zu? Ang we nga d’ala zla ndata dabi mata ni zla d’a hohoud’a d’uo zu? Ni mindja ba, ang mba de mi sum mangâ ala a ar b’oziyozina bei dika ge?

2 Samuel 2:28

Jowap mi bu adifa; suma pet a tchola, a ar b’oziyozi suma Israel-lâ bei dika, a ar bei dur ayîna mi.