2 Samuel 18:28 - Bible azumeina

²⁸ Ahimas mi de mamulâ ki delem akulo ala: Zla nga d’i! Mi grif kä andaga avoromu, mi dum ala: Mersi mi Ma didina Alo mangâ, kayam mi hang ini suma a tchol djangûna ki sed’eng ang amul manina abongû.

2 Samuel 18:28 Referans Kwoze

2 Samuel 14:4

Atcha d’a Tekowa ndata ti i gef amulâ, ti ge tat kä andaga, ti grif kä, ti dum ala: Amul mana, ang ndjununu!

Ad’u Tinda 14:20

Ei suburi Alo ma sä akulo ma kal tegles ma hang mang suma djangûna abongâ. Abram mi hum vun ahlena pet suma mam hurumuzï ata yima ayînina, nala, dogo mam pad’am tu, dogo mam pad’am tu.

Sawal la giled’a 124:6

Ar ei suburi Ma didin ma mi mbud’i nga va mazi ma mutna d’uo na.

Sawal la giled’a 115:1

Ma didina, subura nga ni mamid’a d’i, subura nga ni mi ami d’i, wani ni manga, yam o mang nga didinda, yam gagazi manga mi.

Sawal la giled’a 31:8

Yam djivi manga, an mba ni le furîd’a ki hur ma hapma, kayam ang wan hohou manda, ang we a’alî d’a atan krovod’a mi.

2 Sunda Hamuleinid’a 20:26

Kur bur ma fid’ina azi tok kur hor ra Beraka-d’a, ni yima a le mersi mi Ma didina kuana. Ni kayam ndata ba, a nga yi yi máma gak ini ala Hor ra Beraka-d’a.

2 Samuel 22:27

sama yed’etna, ang nga tagam yed’et manga, sama nga mi le sun nda ata yat tuo d’ina, ang nga simid’am sun nda ata yat tuo d’a mi.

2 Samuel 1:2

Kur bur ma hindina, sana mi tcholï kur kangâ hi Saul-lâ ki barud’a haûd’a atamu, kandagad’a kod’a kam mi, mi mba go ki David, mi tchok yam kä, mi grif kä andaga.

1 Samuel 26:8

Abisai mi de mi David ala: Alona mi hang ini mang ma djangûna abongû. Aran an tchogom kasap mamba; ni b’alamzi kä woi andaga kabon ma tuna bei ni tchogom yan á mbàd’a ba!

1 Samuel 24:18

Bugola, mi de mi David ala: Ang d’ingêr kalanu, kayam ang lan djivid’a, wani an lang tchod’a.

Ad’u Tinda 24:27

mi dala: An le mersi mi Ma didina Alona hi salana Abraham ma tak djivi mamba ki d’engzeng mamba woi mi salanina; mi ngomon kur lovota gak mi mban avo hi salana Abraham wiyema.

Buzuk ka Abud’a 18:10

Jetro mi dala: Ei suburi Ma didin ma prud’ugï woi abo Ezipte-na ki Faron-na, ma prut Israel-lâ woi ad’u ad’enga hi Ezipte-nid’a mi na.

1 Samuel 17:46

Ma didina nga mi hang ini abonu; an nga ni tchangû, an nga ni ngad’ang yang ngeyo, an nga ni he ini mad’a azigar suma Filistê-na maluweina kambureina. Ata yi máma suma pet a mba wala Israel-lâ a nga kAlona.

1 Samuel 25:23

Ata yima Abigayel ti we David-na, ti tchugï aset kä atogo zak yam korona, ti ge tat kä ti grif kä andaga avok David.