2 Samuel 18:2 - Bible azumeina

² David mi wal suma dur ayîna adesâ hindi, mi tin Jowap yam ma hina, mi tin Abisai Seruya gorot ma Jowap wiyemina yam ma hina, mi tin Itai ma Gat-na yam ma hina mi. Mi dazi ala: An tan ni i dur ayîna ki sed’egi mi.

2 Samuel 18:2 Referans Kwoze

Suma ka sariyad’a 7:16

Zedeyon mi wal suma kikis hindina kä ad’u hindi. Mi hazi aduveina abozi tutu pet, kagolongeî suma va nga kuruzi d’uo na kaku d’a ganda kuruzi mi.

Sawal la giled’a 3:6

An bur kä andjege, an bur sena; an zlit akulo, kayam Ma didina ni ma ngomona.

2 Samuel 17:11

D’al ma an dangzina ba wana: Ang tok Israel-lâ geveng pet, tinï ad’ud’a Dan dei gak mba Berseba. Ablawazi to’î d’igi les ma avun alum ma ngolîna na. Ang tanga i dur ayîna ki sed’eziya.

1 Samuel 11:11

Tcha ndjivinda Saul mi wal azigar mama irazi hindi. Kid’a yina lá fod’id’a, azi tchuk kur kangâ hi suma Amon-nina, a tchazi gak afata tchol faleya. Suma a arâ a b’rau woi yayak, a nga fe suma hina mbà ata yima tuna d’i.

Suma ka sariyad’a 9:43

Mi yo azigar mama, mi walazi kä ad’u adesâ hindi, a i bur kä abageya. Ata yima mi we suma a buzugï woi hur azinina, mi tchol mi duruzi mi tchaziya.

Suma ka sariyad’a 7:19

Zedeyon ki suma kis suma a nga ki sed’ema a mbaza avun kangâ kandjege dangâla kur ler ra azigarâ a vrak tazi á ndjolid’a. A bu adifa, a to agolongeî suma a nga abozina woyo.

2 Samuel 23:18

Abisai Jowap wiyema Seruya gorotna ni ma ngolâ hi grang suma dok hindina. Ni ma mi tchi suma kasap mamba yam tu kikisa hindina; simiyêm mi yï aduk grang suma dok hindina.

1 Amuleina 2:28

Jowap mi ni b’ranga hi Adoniya-d’a, wani mi nga ni b’ranga hi Apsalom-mba avok ki. Kid’a Jowap mi hum zlad’a hi Adoniya azi ki Abiyatar-ra, mi ring kur zlub’ud’a hi Ma didinid’a, mi vabom yam yima ngal ahle suma ngat buzuna kengêm ma djedjed’engâ.

2 Samuel 8:16

Jowap Seruya gorotna ni ma ngolâ hi azigarîna. Josafat Ahilut goroma ni ma b’ir zla d’a led’a kä na.

2 Samuel 21:17

Wani Abisai Seruya gorotna mi mba mi ndjun David, mi tchi ma Filistê máma. Ata yi máma suma hi David-na a gun tazi a de mi David ala: Ang dok i dur ayîna ki sed’emi tala ang tchi vun adjo ma ar helâ hi Israel-lîna woi d’uo d’a.