2 Samuel 15:30 - Bible azumeina

³⁰ David mi hle lovot ta yam ahina d’a Olif-fa, mi zlup barud’a kamu, nga mi tchiya, nga mi tit bei atuguruna asemu. Suma pet suma a nga ki sed’ema a zlup barud’a kaziya, a nga tchi mi.

2 Samuel 15:30 Referans Kwoze

Ester 6:12

Bugola, Mardose mi hulong avun azina hamulîna, Haman mi i avo hatam atogo zak ki zulona ki barud’a zlupa kam mi.

2 Samuel 19:4

Amulâ mi zlup barud’a iramu, nga mi tchi ki delem akulo ala: Gorona Apsalom! Apsalom gorona, gorona!

Ezekiyel 24:23

Agi mba d’ud’ugi kadamul magid’a kagiya, agi mba tchugugi atuguru magina asegiya, agi mba tchigi horâ d’i, agi mba tchigi d’i. Wani agi mba id’igi abo tcho magid’a, agi mba zamagi tagiya.

Ezekiyel 24:17

Ang oî ni kä kurung krovo, ang yor tang yam matna d’i, ang d’ut kadamul manga kangû, ang tchuk atuguru mangâ asengû, ar ang d’ut dudumang ngei d’i, ar ang tavu ma a yum yam matnina d’uo mi.

1 Korente-na 12:26

Le ir hliu ta d’a tud’a nga kur ndaka ni, suma wana pet a nga ni kur ndaka ki sed’et mi. Le ir hliu ta d’a tud’a a nga suburud’u ni, suma wana pet a nga le furîd’a zlapa ki sed’et mi.

Romê-na 12:15

Ar agi lagi furîd’a ki suma a nga le furîd’ina. Ar agi tchigi ki suma a nga tchina mi.

Sunda hi suma a sunuzinid’a 1:12

Ata yi máma, mam suma a sunuzina a tcholï yam ahina d’a a yat ala Olif-fa, a hulong Jerusalem. Nahina d’a go ki Jerusalem-mba, adigazi ni d’igi kilometred’a tu na.

Wana ni Zla d’a Djivi d’a Luc mi b’irita 22:39

Jesus ndabu mi i yam ahina d’a Olif-fa d’igi mam nga mi le teteu na. Mam suma hata a i ad’um mi.

Wana ni Zla d’a Djivi d’a Luc mi b’irita 21:37

Ki faleid’a, Jesus nga mi had’azi kur gong nga kud’ora hAlonid’a, wani ki fladege nga mi i bur yam ahina d’a a yat ala Olif-fa.

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.

Wana ni Zla d’a Djivi d’a Luc mi b’irita 19:37

Kid’a mi mba go ki Jerusalem mi surop kä woi yam ahina d’a Olif-fid’a, ablau suma hata pet a nde le furîd’a, a gile Alona ki delezi akulo yam ahle suma ndandal suma azi wazina.

Wana ni Zla d’a Djivi d’a Luc mi b’irita 19:29

Kid’a mi mba go ki Betfage ki Betani gen ahina d’a a yat ala Olif-fa d’a, mi sun mam suma hata mbà.

Matiye 5:4

Suma a nga kur hur ma wuranina a le furîd’a, kayam Alona mba mi b’lengêzi huruziya.

Zakari 14:4

Kur bur máma mba mi tin asem yam ahina d’a Olif fa ngagad’a yam Jerusalem abo ma yorogonid’a. Ahina d’a Olif ndata mba d’i wak kä aduk mbà. Abot ma hina mba mi dadak kazigam abo ma norâ, ma hina mba mi dadak kazigam abo ma sutna mi. Hor ra ngola mba d’i ar adigaziya, mba d’i i irat abo ma yorogona kabo ma fladegena mi.

Sawal la giled’a 43:5

An nga ni djop tan ala: Ni kayam me ba, an mbut hohoud’a hina ge? Ni kayam me ba, an djib’er hina ge? An tin hurun ni yam Alo mana, an mba ni gilem kua. Mam mi Alo man ma sud’una.

Sawal la giled’a 42:3

Alo man ma arina zlam nga d’i lan heî. Ni mindja ba, an mba ni kal kur gong mamba á wum iram ge?

2 Samuel 15:29

Ni hina ba, Sadok azi ki Abiyatar a zi zandu’â hAlonina, a im Jerusalem, a ar kaka kua.

2 Samuel 19:5

Jowap mi mba gen amulâ krovo, mi dum ala: Ang mbut ini azigar mangâ zulona, azi suma a sud’ung ang ki grong suma andjofâ, grong suma aropma, amiyông suma nglona ki suma gureinina.