2 Samuel 15:24 - Bible azumeina

²⁴ Sadok mi nga zlapa ki suma hi Levi suma a nga zi zandu’â hAlonina. A tin zandu’â hAlonina kä; Abiyatar mi ar tchola ki sed’ezi gak suma a dap buzuka woi kur azì ma ngolâ pet.

2 Samuel 15:24 Referans Kwoze

2 Samuel 8:17

Sadok Ahitup goroma azi ki Ahimelek Abiyatar goroma ni suma a ngat buzuna mAlonina. Seraya ni ma b’ir mbaktumba.

Ndumba 4:15

Le Aron azi ki groma a dap wa zlup yam ahle suma a tinizi irazi vazina kahle suma a le ki sunda ata yima a tinim iram vama da ni, ata yima agi igina, suma hi Kehat-na a mba, a yo ahle ndazina. Wani a do ahle suma a tinizi irazi vazina tala azi bö d’a d’i. Wana ni sun nda a hat mi suma hi Kehat-na kur zlub’u d’a ngaf tad’id’a.

2 Samuel 20:25

Seva ni ma b’ir mbaktumba; Sadok azi ki Abiyatar ni suma ngat buzuna.

1 Samuel 22:20

Sama dingâ tu simiyêm ala Abiyatar ni Ahimelek gorom ma Ahitup gorom ngolonina, mi sud’a, mi ring mi i bugol David.

Ezekiyel 48:11

A mba handaga ndata mi suma ngat buzu suma ad’u andjafâ hi Sado’â, kayam azi le sunda hi Ma didinid’a ata lovod’ot ki d’engzenga, a le nga d’igi suma hi Levi suma a d’es sei ata yima Israel-lâ a d’es seina na d’i.

1 Sunda Hamuleinid’a 15:2

Ata yi máma David mi dala: Ni suma hi Levi-na hol ba, a nga ki lovota á hle zandu’â hAlonina, kayam Ma didina mi manazi á hlumu, á lum sunum burâ ki burâ mi.

1 Amuleina 2:35

Amulâ Salomon mi vrak Benaya balum Jowap yam azigarâ, mi vrak Sadok balum Abiyatar ma ngat buzuna mi.

1 Amuleina 1:8

Wani ma ngat buzuna Sadok ki Benaya Jehojada goroma ki ma djok vun Alona Natan ki Simei ki Rei ki azigar suma a nga ngom David tambina pet a nga zlapa ki Adoniya d’i.

2 Samuel 15:35

Suma ngat buzuna Sadok azi ki Abiyatar a sä ki sed’eng sä hî d’uo zu? Ahlena pet suma ang mba humuzi kur azina hamulina, ang mba dazi mi suma ngat buzuna Sadok azi ki Abiyatar.

2 Samuel 15:27

Amulâ mi de mi ma ngat buzuna Sadok ala: Angî ma nga wahle suma a nga mbana d’uo zu? Agi ki Abiyatar agi hulongôgi avo ki halasa ki grogi suma mbàna, nala, Ahimas azi ki Jonatan.

2 Samuel 6:13

Ata yima suma a zï zandu’â hi Ma didinina kelezina, a tit asezi tutud’a karagaya na, a vamuhl ma nguruna kamuhl ma gor ma d’orâ, a ngad’azi ahle suma ngat buzuna.

1 Samuel 4:11

Filistê-na a hle zandu’â hAlonina, a tchi Hofni azi ki Fines Eli grom suma mbàna mi.

Josue 6:6

Josue Nun goroma mi yi suma ngat buzuna, mi dazi ala: Agi hlagi zanduk ma vun ma djinda hi Ma didinina mi nga kuana, suma ngat buzuna adigagi kid’iziya a yo aduvei gamlâna kid’iziya, a kal avok zandu’â hi Ma didinina.

Josue 6:4

Suma ngat buzuna kid’iziya a yo aduvei gamlâna kid’iziya aboziya, a kal avok zandu’â. Kur bur ma kid’iziyana, agi nguyugi azina ngungui yagi kid’iziya. Ata yi máma suma ngat buzuna a bu aduveina.

Josue 3:6

Josue mi de mi suma ngat buzuna ala: Agi hlagi zanduk ma vun ma djinda hi Ma didinina mi nga kuana, agi kalagi avok suma. A hlumu, a nga tit avok suma mi.

Josue 3:3

a he vuna mi suma ala: Ata yima agi wagi wa suma ngat buzu suma hi Levi suma a nga zi zanduk ma vun ma djinda hi Ma didina Alo maginina mi nga kuana a tchol á id’ina, agi tchologi ata yi magi ma agi nga kuana, agi igi ad’uziya.

Ndumba 7:9

Wani mi he nga pus soze amuhl mi Kehat groma d’i, kayam sunda hahle suma a tinizi irazi vazina ni mazid’a; ni azi ba a yozi keleziya.

1 Amuleina 2:26

Bugola, amulâ Salomon mi de mi ma ngat buzuna Abiyatar ala: Ang i Anatot yam andaga manga, kayam me ang ndak á tchid’a, wani an min tchang ini d’i. Ni kayam me adjeu kur atchogoid’a habun David-ta, ang zi zandu’â hi Salad’a Ma didinina, ang fe ndaka zlapa kabun mi.