2 Pierre 3:4 - Bible azumeina

⁴ Azi mba dala: Mi hle vunam ala mam mba mba d’uo zu? Mi nga ni lara ge? Kayam kad’u tinda hi simiyeî suma a bona ei deid’a, ahlena pet a nga nata yazi d’igi a lazï adjeu dei na.

2 Pierre 3:4 Referans Kwoze

Jeremi 17:15

Gola! A nga dan ala: Zlad’a hi Ma didinid’a, ti nga ni lara ge? Ar ti mbä!

Malatchi 2:17

Agi nga kawagi Ma didina ki zla magi d’a ded’a. Wani agi nga dagi ala: Ami kawamî ki me ge? Ni ki zla d’a agi nga dagi ala: Sama lara pî ma mi le tchod’ina ni ma djivina ir Ma didina, nata sama hina na ba, tam mbi lum djivid’a kam mi! d’oze, Alo ma ka sariyad’a mi nga ni lara ge d’a.

Wana ni Zla d’a Djivi d’a Luc mi b’irita 12:45

Wani le azong máma mi de kurum ala: Salana mba mi mba atogo d’i, mi nde mi to azungeî suma dingâ ki yuguneina, mi te, mi tche gak mi gurut ki süma ni,

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Matiye 24:48

Wani le azong máma ni ma tchona ni, mba mi de kurum ala: Salana mba mi mba atogo d’i,

1 Tasaloni’â 2:19

Ni me ba, ni hur ma tin mamina ki furî mamid’a ki subura hi kus mamid’a avok Saleina Jesus kur bur ma mba mamba ge? Ni agi d’uo zu?

Ad’u Tinda 19:14

Lot mi i fakuniyôm suma a nga tit yam gromina, mi dazi ala: Agi tchologi atogo zak! Agi buzugugi woi ata yima wana kayam Ma didina nga mi b’la’î azì máma. Wani akuniyôma a golomî d’igi mam dazi ni zla d’a sanda na.

Marik 13:19

Ndak ka ngol la mba d’i le suma kur bur mámid’a kad’u tinda hi duniyad’id’a dei kid’a Alona mi lahlena peta gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Ma tchi wala 1:9

Vama mba dana, ni mam ba, mba mi mba kua; vama le dana, ni mam ba, mba mi le kua d’ei. Vama awili ma mba mi le yam andagad’a ka hina nga d’i.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Ezekiyel 11:3

A nga dala: Nga ni yima min gongîyona d’uo tua, azì ma ngol ma wana ni deina, ei teid’a ni hliu ma kurâ.

Marik 10:6

Wani kad’u tinda ata yima Alona mi lahlena petna, mi ge mandjufâ katchad’a mi.

Matiye 24:28

Ata yima harâ mi nga kuana, ata yi máma, aba’â mba mi tok kua mi.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Matiye 16:28

Gagazi, an nga ni dagiya, suma dingâ a nga aduk suma tchola kä wana a mba bo d’i, gak azi mba wan an Gor Sana mba ni mbeï kamul manda.

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

2 Pierre 3:12

Ar agi djubugi bur ma mbad’a hAlonina, agi b’ad’agi tagi á zut mbad’a hi bur mámid’a mi. Ni bur ma akulod’a mba d’i vakud’a, mba d’i b’lak keina, ahle suma akulona pet a mba lau woi abo aku d’a ngala.