2 Pierre 2:13 - Bible azumeina

¹³ Wani Alona mba mi wuragazi ki ndak ka azi lat mi suma hiunid’a. A nga le furîd’a kur djib’er mazi d’a tchod’a falei d’ad’ar ata yima azi nga te te magina ki furîd’a ki lop ir mazid’ina. Azi ni vama zulona ki vama dap asema mi.

2 Pierre 2:13 Referans Kwoze

Romê-na 13:13

Ar ei tid’i d’ingêr d’igi tit ta faleid’a na, bei batranga, bei guruta ki süma, bei le mizeuna, bei gaulangâ, bei yalâ, bei yungôra mi.

1 Pierre 4:4

Ki tchetchemba, suma bei wAlona a nga le atchap kayamba agi nga zlapa ki sed’ezi kur sun mazi d’a ndjendje d’a batranga d’uo d’a. Kayam ndata, a nga ngulugiya.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

Efes-sâ 5:27

Mi le hina kayam Toka ti tchol avorom bei tchod’a ba, bei ndala, bei trobudjoka, bei vama ding ma hina na atat ba, kayam ti ka’î yed’et bei ngula ba.

Vama ndum mbeina 18:6

Agi lat d’igi ndat lagi na, agi wuragat yagi mbà d’igi ndat le na, agi oyôt kop mat ma tched’a yagi mbà d’igi ndat tata minigizi mi agi na mi.

2 Pierre 2:15

Azi ar lovot ta d’ingêra woyo, a vit tei á tit bugol Baläm Beyor gorom ma hurum min beged’a yam sun mam mba tchod’ina.

2 Timote 4:14

Alezandre ma yor kawei ma hleuna, mi lan tchod’a ngola heî. Salad’a mba mi wuragam yam sun mam mba mi lata.

Isai 3:11

Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

Sawal la kal teglesa 4:7

Ndak ka an le kak heîd’a, ndak djif heî, yak ma tcho nga d’i.

Jacques 5:5

Agi kagagi wa yam andagad’a ka hî ki duzîd’a ki furîd’a kur d’od’oka hi hliwigid’a, agi d’orogi wa yam bur ma ngata.