2 Pierre 1:7 - Bible azumeina

⁷ agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

2 Pierre 1:7 Referans Kwoze

Hebre-na 13:1

Ar agi lagi yam tagi teteu d’igi b’oziyo tagi na.

Romê-na 12:10

Ar agi lagi yam tagi d’igi b’oziyo tagi na. Ar agi lagi ad’u tagi mi.

1 Tasaloni’â 3:12

Ar Salad’a mi igi avogovok kur o d’a agi nga lat yam tagid’a zlapa ki suma pet, d’igi ami nga lami kagi na mi.

Galat-na 6:10

Kayam ndata, le ei fei yina ni, ar ei lei djivid’a mi suma pet, kal pet ni mi b’oziyoi suma a he gagazid’ina.

1 Jean 4:21

Wana ni vun ma he ma Christ heizina: Nala, sama nga mi le yam Alonina, djivid’a mi le yam wiyema mi.

1 Jean 3:16

Christ mi he tam mbei keya. Kayam ndata, ei wei wa od’a, mbeî ei teid’a hei tei woi yam b’oziyoina na mi.

1 Jean 3:14

Ei weya, ei buzugi wa woi kur matna, ei kalei wa kur arid’a. Ei weizi ni kayam me ei nga lei yam b’oziyoina. Sama nga mi le od’a d’uo na, mi nga ni kur matna tua.

1 Pierre 2:17

Agi hugi suma pet, agi lagi yam b’oziyogi suma a he gagazid’ina, agi lagi mandar Alona, agi gagi yagi kä avok amul ma ngolâ mi.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

Kolos-sâ 3:14

Kal pet, ar agi tchugugi o d’a ala ni ziyo ma ndak á djinigi tuna d’a atagiya.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

1 Tasaloni’â 5:15

Agi gologi tagi djiviya, ar sa mi wurak tchod’a yam ndrat tchod’a d’i, wani agi minigi tagi teteu á le djivid’a aduk tagi ki suma pet mi.