2 Korente-na 8:9 - Bible azumeina

⁹ Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

2 Korente-na 8:9 Referans Kwoze

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Romê-na 5:8

Wani Alona mi tagei o mam mba keid’a woi ala kid’a ei ni suma le tchod’a tua d’a, Christ mi mit keya.

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

Efes-sâ 2:7

Mi le hina á tak suma mam mba ngol la kal papad’a woi avok suma pet ata yima nga mbana, yam djivi mam mba mi ndeizi woi yam Jesus Christ-sa.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

1 Timote 6:18

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi.

Wana ni Zla d’a Djivi d’a Luc mi b’irita 16:11

Kayam ndata, le agi nga d’engzeng yam ndjondjoî d’a bei d’ingêra d’uo ni, sama mba mi hagi ndjondjoî d’a gagazid’a á ngomba ni nge?

Hebre-na 1:2

Wani kur atchogoi d’a dabi d’a tchetchem wanda, mi dei zlad’a navun Goroma, ni Ma mi tinim yam ahlena petna, mi landagad’a ni ki mam mi.

Wana ni Zla d’a Djivi d’a Luc mi b’irita 9:58

Jesus mi hulong dum ala: Bayaka ti nga ki zulud’u, aluweina a nga ki aziyaziya, wani an Gor Sana ni nga ki yima ni nik yan kuana d’i.

Vama ndum mbeina 3:18

Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.

Efes-sâ 3:19

Hina wani, agi mba fagi ad’enga á we ki od’a hi Christ sa sana mi ndak á wat ad’ut pepet tuo d’a, kayam agi wagi oî d’a memeta hAlonid’a.

1 Korente-na 1:4

An nga ni le mersi mAlo mana teteu kayam suma d’a mi vagizi yam Jesus Christ-sa.

Wana ni Zla d’a Djivi d’a Luc mi b’irita 2:7

Ti vut gorot ma avo’â, ti d’ud’um ki barud’a, ti gum kur kup ma tena hi d’uwarîna, kayam yima burâ nga kazi kur gong nga akoid’a d’i.

Isai 53:2

Mi wul avoromî d’igi agu ma mi deî awilina na, d’igi agu ma mi deî yam andaga d’a sod’ina na mi. Mi nga ki djif foze mi wile tala ei golomu d’a d’i, iram mbi nga djivid’a á togei irei kam á gola d’uo mi.

Jean 16:15

Ahlena hAbuna pet ni mana. Kayam ndata, an dala: Mba mi yoï nahle suma atana ba, mba mi dagiziya.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Jean 1:10

Zla ndata ti nga kur duniyad’a. Alona mi le duniyad’a ni ki ndad’u, wani suma kur duniyad’ina a wat nga d’i.

Matiye 8:20

Jesus mi hulong dum ala: Beyaka ti nga ki zulud’u, aluweina a nga ki aziyaziya, wani an Gor Sana ni nga ki yima ni nik yan kuana d’i.

Vama ndum mbeina 21:7

Suma a mba kus ayînina, an mba ni hazi he d’a hawad’a, an mba narî Alo mazina, azi mba mbut grona.

1 Korente-na 15:47

Adam ma avo’â, Alona mi lumî kandaga d’a gugud’upa, wani Adam ma mbàna mi tcholï nakulo.

Romê-na 11:12

Le tchilad’a hi Juif-fîd’a ti mbut suma kur duniyad’a suma ndjondjoîna, le puk mazid’a ti mbut andjaf suma dingâ suma ndjondjoîna mi ni, hulong mazi d’a yam suta hAlonid’a, Alona mba mi b’e vunam yam suma kur duniyad’a ngola kal luo zu?

Jean 17:19

An hang tan kaziya, kayam azi tazi mbut mang suma gagazina.

Jean 12:30

Jesus mi hulong dazi ala: Del ndata ti de ni kan an ndi, wani ti de ni kagi agiya.

Marik 6:3

Ni sama tchet aguna, Marie gorotna; Jacques, Jose, Jude ki Simon ni b’oziyoma d’i? B’oziyom suma aropma a nga adigei ka hî mi d’uo zu? Kayam ndata, a golom is.

Matiye 17:27

Wani ar ei hazi djib’era d’i. Ang i kur apod’a, ang ge tunglîd’a kä aduk mbina. Kuluf ma vavo’â, ang tanam akulo, ang ngom vunam mbeyo, ang mba fe gurzud’a kua. Ang yod’u, ang wurak kanu, ang wurak kang mi.

Isai 65:8

Ma didina mi dala: Ata yima guguzlud’a nga bei ned’a ata adezet tua na, suma a nga dala a b’lagat tei d’i, kayam vama djivina mi nga kua. An mba ni le kazungeî mana ni hina mi, an mba ni dabazi woi pet ti.

Isai 62:1

Ndak Jerusalem, yam o d’a an lat kaka, an nga ni ba vunan ndi; Ndak Siyon, yam o d’a an nga ni lat kaka, an mba ni tuk tan ndi gak prut mak ka woid’a mba d’i nde woi d’igi yima fod’a na, gak sut maka mba d’i ngal d’igi aku d’a ganda hina tua mi.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

Wana ni Zla d’a Djivi d’a Luc mi b’irita 8:3

Jan atchad’a hi Kuza ma nga mi ngom ahlena hi Herot-nina ki Suzan karop suma dingâ ablaud’a. A nga ndjun Jesus azi ki mam suma hata kahle mazi suma djivina.

Romê-na 15:3

Kayam Christ tamba mi hal nga vama mi lum tam djivid’ina d’i, wani d’igi mbaktumba hAlonid’a ti de na ala: Ngul la suma a nga ngulunga ti hulong kanu.

Vama ndum mbeina 2:9

An wang ndak manga ki hou manga, wani angî sama ndjondjoîna. An we zla d’a tcho d’a suma a yi tazi ala azi ni Juif-fâ na a nga dat kanga, wani azi ni Juif-fâ d’i, azi ni toka hi Seitan-nda.