2 Korente-na 8:8 - Bible azumeina

⁸ An de hina, an hagi ni vuna d’i, wani an de ni yam zlezleûd’a hi suma dingîd’a. An min kuk o magid’a, na ni ni o d’a gagazid’a ko zu?

2 Korente-na 8:8 Referans Kwoze

1 Korente-na 7:6

Wani an dagi ahle ndazina, agi lagi hina, wani nga ni vun ma hed’a d’i.

Hebre-na 10:24

Ei djib’erei yam tei á zud’i tei akulokulo á le od’a, á le sun nda djivid’a mi.

2 Korente-na 9:7

Ar nge nge pî mi he ni kur min mamba, wani ki hur ma zala d’oze kad’enga d’uo mi, kayam Alona tam lum djivid’a ni yam sama mi he ki furîd’ina.

2 Korente-na 6:6

Ami nga tagami woi ala ami nazungeîna hAlonina, kayam ami ni suma yed’etna kur we mamid’a, kur ve ta mamid’a ki djivi mamid’a, kad’enga hi Muzuk mamid’a ki o mami d’a bei lop ira ba d’a

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

Efes-sâ 6:24

Ar Alona mi ve suma pet suma a nga le yam Saleina Jesus Christ ki od’a bei dabid’a ba d’ina sumad’a.

Efes-sâ 4:15

Wani ei dei ni zla d’a gagazid’a ki od’a á wuli tei akulo kur ahlena pet yam Christ, mam ma ala ni yamba na.

2 Korente-na 9:2

kayam an we min magid’a. Kayam ndata, an suburugi wa avok suma Maseduwan-na. An dazi ala: B’oziyoi suma Akai-na a min tazi á ndjun suma ni gadjum dei. Zlezleû magid’a zut suma dingâ ablaud’a akulo adigazi á led’a.

2 Korente-na 8:24

Ar agi tagazi woi ala agi lagi kazi gagazi, kayam Toka pet mba d’i wala subur ra ami suburumi tami kagid’a ni hawa d’i.

2 Korente-na 8:10

Kayam ndata, an nga ni dagi djib’er ra kurunda. Djivid’a agi lagi sun nda agi tinit ad’ut adjeu á led’a kur biza d’a gadjumbid’a, d’igi agi minigi á led’a na, agi ndagat vunat mi.

1 Korente-na 7:25

Yam zlad’a hi yuguneinid’a, Salad’a mi han nga vuna kazi d’i, wani an nga ni dagi ni djib’er ra kurunda, kayam Salad’a mi wan hohowonu, mi mbud’un ma d’engzengâ.

1 Korente-na 7:12

An nga ni de mi suma dingâ, wani ni Salad’a d’i. Le kretiyê ma nga katcha d’a bei he gagazid’id’a ba, le d’i min á kak ki sed’emu ni, ar mi digit tei d’i.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.