2 Korente-na 8:6 - Bible azumeina

⁶ Tit mi tin ad’ud’a á zud’ugi á he he d’a hawad’a ngola. Kayam ndata, ami tchenem ala mi i avogovok kuru, mi ndjunugi á ndak vun sun nda djivi ndata mi.

2 Korente-na 8:6 Referans Kwoze

2 Korente-na 12:18

An tchen Tit á iza hatagiya, an sun wiyei ma agi wuma ki sed’em mi. Na ni Tit mi hle va magi zu? Na ni an ki mam djib’er mamid’a ni tu d’uo zu? Tit mamid’a ni tu mi d’uo zu?

2 Korente-na 8:19

Wani kayam ndata go d’i, wani Tok ka tetenga ti manam á tit zlapa ki sed’emiya. Hina mi mba mi ndjunumi á b’rau he d’a hawa d’a suma ndata yam subura hi Salad’id’a, á tak kei abu ala ami minimi á ndjun b’oziyoi suma a nga kur kid’akina mi.

2 Korente-na 8:4

ami hazi lovota á zlap darigïd’a ki suma a nga ndjun suma hAlona suma a nga kur ambas sa Jude-d’ina.

1 Pierre 4:10

Nge nge pî adigagi mi nga ki he d’a hawad’a hAlonid’a. Kayam ndata, ar agi lagi sunda ki sed’et á ndjun suma hiuna d’igi sama d’engzeng ma yam he d’a hawa d’a teteng nga Alona mi humzid’a na.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.

2 Korente-na 9:5

Kayam ndata, an tchen wa b’oziyoina á iza hatagi avoron á min he d’a hawa magi d’a agi dagi kat ta agi hagizi kur min magid’id’a wani nga ni kad’enga d’uo d’a.

Sunda hi suma a sunuzinid’a 24:17

Bugol bizad’a tcha, an mba ki he d’a hawad’a mandjavan ki vama ngat buzuna mAlona mi.

Romê-na 15:25

Wani ki tchetchemba, an nga ni i Jerusalem kahle suma ndjunda mi suma hAlonina.

2 Korente-na 2:13

Wani tan lan nga djivi d’i, kayam an fe nga wiyeina Tit sä hî d’i. Kayam ndata, an gazi depa, an arazi ni i Maseduwan.

2 Korente-na 8:10

Kayam ndata, an nga ni dagi djib’er ra kurunda. Djivid’a agi lagi sun nda agi tinit ad’ut adjeu á led’a kur biza d’a gadjumbid’a, d’igi agi minigi á led’a na, agi ndagat vunat mi.

2 Korente-na 8:23

Tit ni ndran ma sunda á ndjunugiya. B’oziyoi suma ding suma a tit ki sed’emina ni suma Tok ka tetenga ti sunuzina. Sum ndazina a nga subur Christ kur sun mazi d’a led’a mi.