2 Korente-na 7:4 - Bible azumeina

⁴ An tin hurun kagiya, an nga ni subur tan kagi mi. An hurun b’leng ngola. Kur ndak mamid’a pet, an nga ni le furîd’a ngola mi.

2 Korente-na 7:4 Referans Kwoze

2 Korente-na 1:4

Nga mi b’lengêmi hurumi kur ndak mamid’a pet, kayam ami fami ad’enga á b’lengêmi hur suma a nga kur ndak ka lara ge pet ki b’leng hur ma Alona tamba nga mi b’lengêmi ki hurumina.

2 Korente-na 3:12

Kayam ndata, ami nga ki hur ma tinda, ami nga dami zlad’a bei mandarâ ba mi.

Jacques 1:2

B’oziyona, kuk ka lara ge pet ta nga d’i kugugid’a, agi golot ni d’igi vama furîd’a na,

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

1 Korente-na 1:4

An nga ni le mersi mAlo mana teteu kayam suma d’a mi vagizi yam Jesus Christ-sa.

1 Tasaloni’â 2:19

Ni me ba, ni hur ma tin mamina ki furî mamid’a ki subura hi kus mamid’a avok Saleina Jesus kur bur ma mba mamba ge? Ni agi d’uo zu?

1 Tasaloni’â 2:2

Agi wagi ala avok ka bei ami mbami sä hatagi Tasalonik-ka, ami fami ndaka ki lasa yam andaga d’a Filip-pa. Wani suma a hal á d’elemi pî, Alona mi hami ve tad’a á tchagi wal Zla d’a Djivi d’a tcholï atamba.

Filip-ma 1:20

Kayam an nga ni djuba, an tin hurun ala an mba ni mbut zulona yam va tu d’i. Wani bei mandarâ ba, ki tchetchemba, d’igi an nga ni le teteu na, le an nga ki iran ndoze le an mit pî, ar suma a subur Christ kanu.

2 Korente-na 11:21

An nga ni dagiya: An nga ki zulona kayam ad’engêmi ndak á le hina d’i. Wani le sama ding nga subur tam yam va ni, an nga ni de d’igi sama lilid’a na, an ndak á subur tan mi.

2 Korente-na 8:24

Ar agi tagazi woi ala agi lagi kazi gagazi, kayam Toka pet mba d’i wala subur ra ami suburumi tami kagid’a ni hawa d’i.

2 Korente-na 2:14

An le mersi mAlo ma mi yomi d’igi azigar suma a yozi avun ayînina na ad’u Christ á tak kusa hi Christ-sa woi burâ ki burâ. Mi tinimi á tak Christ woi ata yina pet, d’igi his ma afufuîna mi b’rau woi ata yina pet na.

Romê-na 5:3

Ni kayam ndata hol li, wani ei lei furîd’a kur ndak meid’a mi, kayam ei wei ala ndaka nga d’i mba ki ve tad’a,

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

2 Korente-na 7:14

Le an nga ni subur tan kagi avoromu ni, zulona nga mi lan ndi. Ahlena pet suma ami nga dagizina ni gagazid’a. Hina, subur ta mami d’a kagi avok Tit-ta ni gagazi mi.

2 Korente-na 10:8

Le an nga ni subur tan kal yam ad’eng nga Saleina mi hamizi á wulugi akulo á b’lagagi woi d’uo d’a pî, zulona nga mi lan ndi.

Filip-ma 1:14

Ni yam dangei mana ba, b’oziyoina ablaud’a a deng tazi ata Salad’a, a fad’enga á tchi wal Zlad’a hAlonid’a avogovok bei mandarâ ba mi.

Filip-ma 1:26

Hina wani, fata an hulong sä hatagid’a, agi mba suburugi tagi ngola kan yam kak magi d’a zlapa tu ki Jesus Christ-sa.

2 Tasaloni’â 1:4

Kayam ndata, ami nga suburumi tami kur Tok ka tetenga hAlonid’a kagi yam ve ta magid’a ki he gagazi magi d’a kur ndakid’a ki djop vun ma agi nga kurâ mi.

Filemon 1:7

Wiyena, kayam o manga, tan ndi lan djivid’a heî; ti ndjunun mi, kayam ang b’leng hur suma hAlonina ngola.