2 Korente-na 7:1 - Bible azumeina

¹ Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

2 Korente-na 7:1 Referans Kwoze

1 Tasaloni’â 4:7

Alona mi yï ná le mizeuna d’i, wani ná kagei ni suma yed’etna.

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.

Zla d’a d’ogolâ 8:13

Le mandara Ma didina ni lovot ta noî tchod’a. Yam mba ad’enga, subur tad’a, tit ta tchod’a ki zla d’a de d’a ata yat tuo d’a nahle suma an minizi d’uo na.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

Sawal la giled’a 51:10

Ang dan zlad’a woi yam vat hurâ; an mba ni le furîd’a ki hur ma hapma, tan nda kus d’ad’ameîd’a mba d’i gra mi.

1 Jean 3:3

Nge nge pî ma nga ki hur ma tin mama yam Christ-sâ, nga mi ngom tam yed’et, d’igi Christ tamba ni Ma bei tchod’a ba na mi.

1 Tasaloni’â 5:23

Ar Alo ma b’leng nga halasa mi tinigi iragi vagi mi mam tamba memet. Mi ngomogi muzugagi ki tagi ki hliwigi pet bei zlad’a kagi ba fat ta mbad’a hi Saleina Jesus Christ-sa.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

1 Korente-na 6:20

Alona mi guzugi ni ki gus sa kal teglesa. Kayam ndata, ar agi suburugi Alona ki hliu tagiya.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

Zla d’a d’ogolâ 16:6

Ni yam djivid’a ki gagazid’a ba, a has tchod’a woyo, ni yam led’a le mandara Ma didinid’a ba, sana mi wal lei ki tchod’a.

Matiye 5:48

Kayam ndata, ar agi lagi ahlena memet d’igi Abugi ma sä akulona nga mi lahlena memet na mi.

Matiye 5:8

Suma huruzi yed’etna a le furîd’a, kayam a mba wAlona.

Sawal la giled’a 119:9

Ni nana ba, azongâ mba mi tit tit ta irata ge? Nata yima nga mi ngom zla mangina.

1 Jean 1:9

Wani le ei dei woi yam tcho meid’a avok Alona ni, Alona ni Ma d’engzeng ma d’ingêrâ, mba mi vat hurum mbei yam tcho meid’a, mba mi mbuzi woi yed’et kur tcho meid’a pet mi.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

Romê-na 5:20

Wani ata yima gata ti mbana, tchilid’a ti zula. Wani ata yima tchod’a ti zulâ, sumad’a hAlonid’a ti zul ngola kala.

Isai 1:16

Agi mbuzugi tagi woyo, agi mbud’ugi tagi woi yed’et, agi aragi sun magi d’a asa’at ta agi lat avoronda woyo, agi aragi tcho d’a led’a woi mi.

Zla d’a d’ogolâ 30:12

Suma dingâ a nga djib’er ala azi ni suma yed’etna, wani a mbus nga tazi woi kur ndjendje mazid’a d’i.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

Hebre-na 12:28

Kayam ndata, ei suma kalei kur leu d’a bei gigeta na d’a, ar ei lei mersi mAlona kayam ndata. Ar ei kud’orei Alona ki kud’or ra lum tam djivid’id’a ki mandarâ ki zlaka,

Hebre-na 12:23

Agi mbagi go ki Tok ka furîd’a hAlona grom suma a vut avok suma simiyêzi sä b’ira akulona. Agi mbagi go gen Alo ma ka sariyad’a yam suma petna ki muzu’â hi suma d’ingêr suma a bo suma Alona mi mbud’uzi ndak memetna.

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

2 Korente-na 1:20

Mam mi  d’a yam vun ma hled’a hAlonina pet. Kayam ndata, kur Jesus Christ ei nga dei ala Amin yam subura hAlonid’a.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Matiye 12:33

Jesus mi had’azi kua ala: Le aguna mi djivid’a ni, vud’umî djivid’a mi. Wani le aguna mi tchod’a ni, vud’um pî ni tchod’a mi, kayam a waguna ni ki vud’umu.

Jeremi 13:27

An we mizeu ma’â ki breî mak ka d’igi akulumeina na d’a ki gaulang mak ma akulo yam yima ndingâ kabagei kelâ, an we sun mak ka ndjendjed’a mi. Ndak Jerusalem, ni zla d’a hohoud’a kagu. Ndak mba mbut tak yed’et tuo hina gak mindja ge?

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Zla d’a d’ogolâ 20:9

Ni nge mi ndak á dala: An mbut hurun ndei yed’et, an mbut tan ndei yed’et kur tcho manda ge?

Sawal la giled’a 19:9

Vun ma hed’a hi Ma didinina ni d’ingêr, nga mi he sana furîd’a kurum krovo; vun ma hed’a hi Ma didinina ni ma iratna, nga mi mal ir sana woyo;

2 Sunda Hamuleinid’a 19:9

Mi hazi vuna ala: Agi lagi ni mandara Ma didina ki d’engzenga ki hur ma tuna bei mbàmbàd’a ba.

Hebre-na 6:9

Buniyôn suma od’a, ami dami hina kayam ami wami tetet ala agi mba lagi ahle suma djivi suma ndak yam sutina.

1 Pierre 1:15

Wani agi kagagi ni suma yed’etna kur tit magid’a pet, d’igi Alo ma yagina ni Ma bei tchod’a ba na na mi.

1 Pierre 1:17

Kur tchen magid’a agi nga yagi Alona ala Abugiya. Ni mam ma nga mi ka sariyad’a yam nge nge pî abo tat tu yam vama mi lumina. Kayam ndata, ata yima agi nga kaka ka hî yam andagad’ina, ar agi tagagi tit magid’a ki ge yam magi d’a kä kamba woyo.

Sunda hi suma hi Levi-nid’a 13:58

Baruna d’oze vayirâ, d’oze baru ma aduburo’â, d’oze vama lara ma a lum ki ba’â ma a mbuzum mbei ma guvur mamba pat teina, a mbuzum mbei yang á mbàd’a; mba mi mbut yed’et mi.